想問下大家既小朋友幾時戒到夜奶同埋點樣戒架
好想訓天光呀
日頭飲夠+臨瞓前嗰餐飲多d，夜晚自然唔使飲夜奶
我BB當時係滿月左右唔使再飲夜奶
係呀，臨訓前食多dd
滿月左右自己會戒
我有朋友都係咩都無就自動戒左夜奶
我呀b已經滿月喇，我都好想佢會識自動戒到
繼續努力
其實首先應先了解爲什麽初生嬰兒要喝夜奶。這是因爲初生嬰兒的胃部太小，不能容納過多奶量，要少吃多餐，所以一般需要3-4個小時左右邊要喝奶。但BB滿一個月左右，胃部已經發育好，能容納多些奶。因此能續漸多喝一些，存儲多些能量。這個時候便應觀察能否將奶量增多而將每餐喂奶的時間延長。尤其是晚上，可以從四個小時續漸延長至五、六、七小時；甚至不把叫醒嬰兒喝奶，等他自己醒，哭才給奶。
切記是不應讓較大的嬰兒有喝夜奶的習慣，否則很麻煩。因此我經常說不是嬰兒要戒夜奶，而是父母要戒夜晚給BB喝奶。讓嬰兒多睡一點，大人細路都健康。
五個月係咪要戒？
我唔太識分佢係咪要飲夜奶，因為佢瞓覺好唔定時，有時屋企人同我太攰都係俾啖奶佢奶睡再抱翻落床，但都好睇時機，成日落地醒…
有時佢瞓到又可以瞓天光 好難捉摸
都岩既，我唯有慢慢試喇～ 如果呀b真係未預備好戒都唔會迫佢 急都急唔黎
其實又唔洗特別要bb戒嘅我覺得。我BB嗰時大概2個月大，自己突然唔食夜奶
愚見認為好多野可以慢慢來，但戒夜奶一定要儘早。正如我前文所指，只有初生嬰兒才需要喝夜奶，幾個月大的嬰兒，在生理上根本不需要。別讓他心裡上依賴。再者，bb晚上多睡覺對健康成長更重要。父母也可保留更多體力照顧好bb。時不時在新聞見到有些母親因為晚間要起來餵奶，卻因為體力透支而在餵奶時睡著讓成意外，愛佢變成害佢。切記！
我都試過餵餵下訓著左
好彩就係訓左幾分鐘，人地話餵人奶個陣特別攰，好似成個元神被佢chur走左咁
[quote=“BearCaCa, post:8, topic:21437”]
自己突然唔食夜奶
[/quote] 好羨慕呀 我都想呀b突然之間唔食夜奶 長輩就話要儘早戒
我對仔女都係冬天出世，兩個都試過出面得返2度，咁凍嚟講自然同易就戒到夜奶，結果都係2個月大之前已成功咗，方法只係將凌晨12點前果餐拖到有咁遲得咁遲，朝早果產餐就盡量6點後先餵，好快凌晨12點果餐就可以提早返，我細仔係去得返晚上10點，去到我產假完之後，下一餐就6:30,餵完之後返工
係呀我好記得有朝突然驚醒，發現係朝早6點（佢夜晚2點夜奶）自此就無再食夜奶，朝早6-7點醒先食
1個讚
我果個new born 已食120ml ，可能因為咁最後果餐(10pm)就夠頂成晚。我記得3星期大有一晚我鬧鐘響餵奶佢無反應，我就敵不動，我不動，咁就戒左。
3個星期大就戒左好幸福呀
你bb好錫媽媽，通常我聽都要一個月先戒到
我都知道冬天容易d戒，我有朋友都係咁 可惜而家就黎夏天
咁包實d 開冷氣，效果應該差唔多 ga
我都有呀，因為呀b成日都好熱咁，唔開冷氣唔得喇
已經試左幾日戒夜奶，睇下幾時可以成功喇
可能我係奶粉，佢食完好飽肚。不過我覺得包實都助眠，咁易戒奶
我仲努力梗戒夜奶呀，呢幾日開始泵出黎唔埋身，起碼知道佢食幾多，唔夠可以再整飽佢… 琴日有少少進展，隔左5個鐘先起身 但仲未戒到