小朋友講野天真無邪,有時會好認真咁講D好好笑既金句,大家都黎分享下
有次我收緊衫,將個運動bra平放左係床,4歲女見到就大叫"媽媽!你個波波點解係張床度既… "
有次玩中文認字卡,我地會配詞語,抽左個"中"字,
我:呀女,呢個係咩字呀?
女: 我知! 紅中個中!
我:女…紅中唔係詞語呀
實在太多啦。
細個嘅時候唔聽話,佢阿媽同佢講"你試吓再做吖!“, 個女就同阿媽講 "即係可以再做?”
又例如前幾日掛住睇電視冇做功課,
佢阿媽同佢講”一個星期唔准睇電視!”
我個女就問: 一個星期即係幾耐?
阿媽搭: 即係七日
我個女就話:哦, 七日啫~ (其實好天真由心咁講嘢)
如是者激到佢阿媽彈起,懲罰變咗一個月。
母親節 = 無親節 …
阿媽:執玩具
阿女:點解要我執,細佬唔使執
阿媽:因為你大過佢
阿女:你仲大過我,你執
咁一齊執囉 XD
嘩,咁大誤會~
當年準備結婚時傾去邊度度蜜月,幾歲大嘅姪女搭訕話:我又要去度蜜月!原來佢以為講緊去動物園
呀仔細個成日問。
媽咪,點解你成日要買尿片,你禁大個人仲用尿片架咩 (其實係e媽巾)
再細d講野唔正時。。。
媽咪,我要食塞米 (其實係粟米)
唉,我好瘀,我小朋友响人鋪頭大大聲話佢媽個胸好大,好舒服。我立即走,乜都唔買咁同個幾歲比較,我實大啦
屋企有隻家貓係灰黑色紋+白色手腳,有一次返到屋企,見到貓咪隻腳好似留血咁啲毛紅左一忽,嚇到我死以為佢受傷,即刻幫貓咪檢查傷口。點知搵黎搵去都見唔到傷口,原來根本唔係流血,係紅色marker筆 當時同6歲嘅姨甥仔同住,即刻捉兇手問話
我:點解要用紅色筆畫貓咪隻腳仔呀?
姨甥:因為貓咪個身係黑色,畫落去睇唔到,所以咪畫腳仔囉
仲有
點解媽咪個 jj 短到睇唔到嘅?
當然之後同佢講番 …
我女都試過攪到我好瘀,佢大大聲講:媽媽!有你最鍾意墊垃圾既傳單拎呀!
Hahahahaha 好笑!
我女之前廣東話唔好,佢試過聽錯我同朋友講立雜野,佢大大聲响人鋪頭講媽媽呢度好多垃圾嘢
阿女細個時睇到表弟換片, 走黎問點解表弟換片果度有大笨象個鼻.
又試過響商場廁格, 我要換衛生巾, 已經叫佢望去第二邊唔好望, 點知佢偷偷地睇, 之後大叫”媽咪你流好多血, 要去睇醫生呀”.
小朋友:我幫d菇改左個好名
我:咁白色既菇叫做?
小朋友:白菇!
我:黑色既菇叫做?
小朋友:黑色菇!
我:咁黃色既菇叫做?
小朋友:少女心!
我都試過係商場toilet,叫呀女望去第2邊,唔好望住我去小便,
我女:媽媽你頭先都望住我痾啦,點解我唔望得你?"
好似iq題咁 XD
個仔屙屎有時屙係片到,唔係次次識講,有次又係咁,我個樣唔太高興,就話佢 同佢講
我:下次記得屙屎之前要講定比媽咪知,我帶你去廁所
佢:講定係咩嚟架?
我:預先提早講,可以準備定去廁所
佢:提早係咩嚟架?
我:即係早少少出聲(個心開始有少少想笑)
佢:出聲係咩嚟架?
我:開口講比媽咪知你有咩需要(個咀開始有少少不自覺向上)
佢:需要係咩嚟架?
終於笑咗出聲,佢又笑埋一份 然後走嚟攬住我