第一胎時因爲有產後憂鬱，各方面原因好快就無餵到人奶，到生第二胎之前同自己講要努力餵人奶，但點知愈諗就愈少奶，到呢兩日泵得10ml都無，埋身又埋唔到bb唔肯啜，好嬲自己連母親既天職都做唔到 
心情同休息好影響奶量，有無用啱方法上奶呢？
真係無人奶bb飲奶粉都無問題
自己賞試過已經好足夠
我果時都係咁，之後轉奶粉也無咩問題吖
1個讚
無奶係令媽媽好愁嘅事, 但並唔係你嘅錯, 好多人都無, 所以古代有人全職做奶媽
盡左力就已經好好
但要確保一樣野, 就係乳腺無塞
因為塞左第日好容易有癌症
我第一胎飲好多魚湯都無咩奶, 第二胎日日飲椰青先有番奶, 有時飲岩自己既上奶食物都好重要
你錫佢既品質真係緊要過人奶。媽媽生完其實好攰。埋身不是易事。其實我見你都好努力啊。bb知道的。
冇奶唔代表盡唔到母親天職呀
你陀佢果時令佢發育成長至出世就已經盡左天職架喇
冇人奶咪奶粉囉
我阿女過埋下星期就滿月
我家下唔理佢
佢一喊就埋身餵20分鐘
你試下上網睇下好多姿勢架
橫抱唔得，試下欖球式，或者盡試啦
唔得咪奶粉囉
我地細個都係食奶粉大啦
咪又咁健康精靈咁保衛自己家園
唔好俾咁大壓力自己
我泵奶都係一時時
因為食得夠同飲得多水
就好似泵得好少少
同埋我用手泵好過電泵
我手泵泵得清好多
因為手泵先出到奶柱同奶陣
買左電泵嘅配件可能要放埋一邊先月
總之用自己舒服方法去照顧佢
Btw我都好緊張佢有冇重同大
我同我老公都會先量自己體重
跟手抱埋佢再量
扣番個差距咪知佢幾重
隔幾日先量一次啦
咁咪知有冇重到啦
最好佢沖完涼冇著衫同片咁量啦
你知健康院要佢咩都冇咁量架
跟手我又自己白痴地用軟尺量下佢頭圍同身長咁
攞本健康院簿睇下大約一個月要幾大
唔係低過最低條線當冇事啦
我都係要等到滿月後打針先知佢發育成點
家下疫情好影響服務囉
最衰個肺炎呀！
2個讚
好明白你感受，奈何自己唔係乳牛體質。
覺得唔甘心，又自責，好影響心情
上網啲人成日都話越泵得密越多奶，我反而唔係
兩個鐘泵一次，我得嗰20ml，手揸都冇奶出…
反而拖到三個零鐘泵一次，就可以泵到80ml
所以真係要搵一個啱自己嘅方法。
泵前熱敷對我係work嘅，你可試吓
反而魚湯，黑豆水對我冇乜效
阿仔愈大，奶量愈大，我根本追唔上
雖然我唔太想補奶粉，但冇理由餓住bb
依家bb快滿月，我一半人奶一半奶粉咁樣。
調節自己心態最緊要，總之bb有佢自己嘅方法會長大，人奶唔係唯一嘅。
做唔到全人奶我偶爾都會唔開心，仲會喊添，但唔好畀呢個情緒留太耐，宣洩完就繼續湊b啦
2個讚
餵奶粉都無所謂，其實唔一定人奶
我bb食奶粉touchwood 一歲都未病過
仲一直都係大隻b
我都係餵咗個幾月，其實唔駛自責，盡咗力就得，我本身奶水好少，仲好淡，所以我女食完好快肚餓，我奶水又唔夠，所以係一餐人奶，一餐奶粉咁餵，個幾月之後仲自動收奶，不過我個胸本身好細，可能有關
其實唔洗自責，自己試過上奶既方法都唔得就無所謂喇，一直諗住唔開心壓力仲大仲難上奶～ 我老公成日都話我地個代以前個個都飲奶粉架喇，個個都生到牛高馬大聰明伶俐健健康康 
所以真係唔好俾咁大壓力自己，生完之後既情緒會比較波動，要保持心境開朗呀
我同你一樣兩胎都係天生少奶唔上奶
上胎仲搞到有產後抑鬱
果陣健康院醫生安慰我：人奶抗體飲一啖都有抗體～唔洗執著全人奶，因為媽媽同bb，醫生一定先保住媽媽！身心健康既媽媽先湊得好個bb
今胎我都冇乜奶，15ml都照加落去比佢飲
或者少少都照傷奶袋冰左佢，儲埋儲埋一次暖多幾包比佢得閒當甜品飲下
加油呀媽媽
1個讚
量力而為，我嗰陣時都無乜，一番工啲奶幾乎一滴都無。啲人話要飲豆豉水收奶，我少到唔洗飲。
個仔食奶粉大，好健康好大隻
真係呀唔好俾班 die hard 人奶Fans 媽媽令你feel bad. 我都唔信冇人會唔夠奶呢個說法。我覺得係體質問題嘅，點都搞唔到。我自己已經係人辦。放鬆啲，盡餵就夠。做到一日一餐咪一日一餐囉, no problem!
2個讚
Relax~BB需要一個開心媽媽多過奶奶。
休息多啲，多啲同佢地玩同影相
1個讚