我係有由細到大嚴重濕疹哮喘鼻敏感嘅。
類固醇用咗30年
我唔知最近係咪空氣汙染啦，即係可能空氣中太多胡椒粉啦
我啲皮膚係近呢一年到一年半係嚴重左好多，皮膚變黑。
查極類固醇都唔好。所以我趁而家失業，由兩星期前決定戒類固醇
我已經做咗我很貴既過敏測試，有問題嘅都可以大家討論下。
新開左facebook 同ig 我會慢慢分享下介類固醇嘅過程同埋我自己嘅心得，新開暫時未有人知道，大家支持下，有乜問題都可以問我。
facebook page:https://www.facebook.com/濕疹女孩求生記-100324765032743/
Ig: https://www.instagram.com/subchan.girl/
入邊有爛肉相………唔好介意
支持下
想問下你關於過敏測試嘅詳細資料，測試內容過程，邊度做，價錢等等
我自己有嚴重鼻敏感，細個有哮喘好彩大個斷左尾。早兩年懷孕期開始突然出濕疹，斷斷續續左兩年最近都好返晒。
但最慘係我bb出世之後濕疹好嚴重，睇兒科攪唔掂最後睇皮膚科先至控制到。醫生話我係過敏體質，所以bb好大機會係遺傳左過敏體質，所以濕疹咁嚴重。
而家Bb 5個幾月，要靠類固醇藥膏控制住啲濕疹，我都好驚搽得多類固醇唔好
我係lab,做價錢好貴
我做嘅時候系5800而家聼講加咗價啊
check around 好似140種，
但係記住一定要做ige…唔好做igg…
我完全感受到好慘，但係我想講真係唔好咁細個用類固醇…………你睇下我ig…我用咗30幾年我一停係爆出嚟！我已經算爆得唔犀利，有啲爆得好犀利連行都行唔到
我知道嗰種無助，如果唔搽藥膏都唔知可以點算無理由比佢爛落去………不過因為bb抵抗力低，如果佢長大咗抵抗力高咗應該就會好返啲。
哮喘嘅話比較容易隔代遺傳
但係敏感嘅話，基本上阿爸阿媽其中一個有，小朋友都好大機會有
如果係小朋友check致敏源，建議唔使出check咁多種，市面上有啲係主要check最容易過敏嗰幾種, 係塵蟎，雞蛋等，價錢平好多
我做個間驗都係3000 蚊… 邊有咁貴
點解唔好做 igg ？
我懷疑自己係白米同蛋黃敏感，唔知測唔測試到呢？
可以 其實做完有claim 保險點解唔做
濕疹比嘅價錢係好貴喎，保險覺得蝕底咪唔做