我親戚上年請左個印印，到今年10月就完約。因為佢唔需要工人喇，所以我想請佢。
問題：
1。我請佢既話佢算唔算完約工人？
2。咁個印印同介紹比我親戚果間agent仲有無關係？
3。我可唔可以用其他公司當完約工人請佢？ （好似平d？）定係我一定要用返果個agent？
第一次請工人，請賜教。謝謝。
1。我請佢既話佢算唔算完約工人？
係完約工人
2。咁個印印同介紹比我親戚果間agent仲有無關係？
無關係
3。我可唔可以用其他公司當完約工人請佢？ （好似平d？）定係我一定要用返果個agent？
可以用其他agent
謝謝你呀！
唔好意思想問多少少。
1。即係個印印同個agent之間係無contract話要跟個agent幾多年果d野ga？
2。咁如果我搵其他agent幫我攪既話洗唔洗等佢contract完左先攪定係完之前就可以攪？
3。請問知唔知用其他agent攪手續大概要用幾多錢？（費事唔知價比人老點）
謝謝你！
1。即係個印印同個agent之間係無contract話要跟個agent幾多年果d野ga？
一份約2年，完咗就無關係
2。咁如果我搵其他agent幫我攪既話洗唔洗等佢contract完左先攪定係完之前就可以攪？
之前要搞啦，完約14日內工人要返老家㗎，詳情你問新agent
3。請問知唔知用其他agent攪手續大概要用幾多錢？（費事唔知價比人老點）
貨比三家，呢樣我唔知。我請親係完約賓，自己去入境處搞$7XX咋
e？但係佢好似係第一次黎香港做野，我親戚用得佢一年，咁即係佢仲同個agent有關係？？
agent我自己再研究下！Thanks！
今年10月只係夠1年？
咁係你親戚斷佢約，不是完約
斷約同請親工人應該價錢一樣，無得平
完約一般係指2年，除非雇主relocate/財政有問題就可以出信當係完約
不過你問下agent
喔。。。。因為以我所知佢地係一年約。。。等我問清楚先。。。謝謝你。
一年約
你問問親戚好d
正常2年約播。咁當然喺合約期內，雙方可以1個月通知大家唔做嘅。但正常工人姐姐好似點都要返一返印尼再黎香港。機票就你同親戚各Share一程先 (因為單程貴D架)
然後到第時你同呢個工人又完約。咁你同佢將來僱主都要再各Share一程 (除非搵唔到新僱主咁你都要俾佢單程機票返印尼了)
岩岩搵返資料，佢係兩年約。係我記錯左 
請問佢係咪一定要完約即刻返去？到時唔知D Virus咩狀況，可唔可以叫佢遲幾個月先返架？
謝謝你！
以我所知，好似一定要返去架。否則要同入境處定佢地領事館解釋。
正如我工人姐姐咁，其實上年先請。佢係完約過黎嘅。但因為我地屋企原因唔可以俾佢太早On Board，入境處都要了解點解仲唔俾佢黎我地屋企打工。Agency要解釋的。不過詳情或者妳可以叫工人問下佢本身嘅Agency？
喔喔，明白明白。唔該晒你 