可能各位覺得好小事，但如果幾日一次，你會明白我感受嗎？
我老公同佢朋友合資開公司。我係打雜，基本上咩都要做。最近因一間廠遲報價，搞到可能無咗單生意，我老公好著急。我已經日追夜追，又打人情牌叫朋友公司幫手接，連夜晚發夢都追緊廠，瞓得好差。一醒已經中午12點，起身見老公坐喺廳，我就睇朋友報咗價未。
正在忙緊時，老公問我晏晝食咩，我叫佢話事，佢提議，我話OK。見佢入咗廚房開始整嘢食，我就同佢商量公事，佢突然發皮4，話佢好肚餓，話我唔理佢。我話我已經答咗佢OK，佢仲繼續嬲。
之前佢未開公司，我做全職主婦，佢就成日話我懶，然後又話講笑，又成日拎我嚟出氣。依家我辛苦為佢公司拼搏，依然成日拎我嚟出氣，發我皮4。次次佢過咗啖氣同我道歉，我就原諒佢。可能我太容易氹，佢覺得發我皮4無所謂。但我今次唔想再忍。
佢嬲住走出去買飯，返到嚟就要我放低工作即刻去食飯，我真係忍無可忍，問佢我係咪行行企企食飯做嘢都要聽佢命令，佢就發嬲話唔食就罷。
最後我揀咗盒無咁好味嘅飯嚟食，剩咗幾舊餸俾佢。食完做埋家務就出去做物理治療。到我出門口佢都未食佢盒飯。
幾個鐘後返到屋企，佢仲嬲緊。我問佢食咗嘢未，佢叫我唔駛理佢。咁我咪自己煮囉 !
類似嘅跳掣已發生無數次。人前人後佢係好丈夫，佢心情好時的確對我好好，但心情差少少就發我皮4，外人都唔知。佢D朋友做錯咩佢都200%包容，但對我就咩都唔順眼。
我唔知仲可以忍佢幾多次。
3個讚
做嘢尤其係自己生意當然壓力會大
你做老婆算係好識得體諒你老公，但你好嘅程度似呀媽多個老婆
你條底線set得低，令你老公唔太尊重你，所以好容易將壓力發泄咗係你度
你想改善呢個情況定係呻下就算？
唔好湊仔咁湊佢，要學識放手（唔使同佢講）
只需要講返你嘅不滿，提醒佢要尊重你，否則你都唔會尊重佢
就算你係FTM你老公擔起頭家都無可能因為你樣嘢唔尊重你
有無考慮過自己出去做嘢？你依家同佢做嘢但要受氣（佢係上司你係下屬）你頂得順嗎？
5個讚
老婆係老公最親最近既人，佢同你安全感夠，所以先會在你面前真性情（雖然老婆絕對唔想做這角色），就好似我地對父母既語氣同對朋友，好多時都會唔一樣
你老公對你都幾好呀，預備埋比你食
可能佢覺得，佢工作已經夠煩，預備埋飯比你食，仲慢慢吞吞，一點都唔感激，米嬲囉。
我都會咁樣嬲我老公架，唔洗你煮/買，有得食仲唔食，你倦我唔倦呀
兩公婆同一間公司做野好敏感，好容易有衝突，如一齊工作，容易多左磨擦，咁不如你出去第二度打工？ 無謂為公事傷感情
如真係一齊做，做老婆既就要學忍下（始終好多老闆工作壓力大都係失常既
）員工還員工，夫婦還夫婦，要對對方都要有適當期望。男人工作mode, 要佢細心體貼，就好難啦，20個可能有1個
事情已發生左，找個大家心情平靜點既時間，傾下吧，傾下工作生活上點溝通，大家會較滿意。 加油
2個讚
公司減成本，唔可以請人，如果我走，就會一鑊撬起埋佢partner。我唔想咁。
其實我反映過好多次我感受，佢次次都sa哂冧話無下次。但同樣事件不斷重複。
咁你嘅反應要大d，其實難聽d講句佢係覺得佢食得住你先會對你態度咁差
佢有求於你仲發脾四，憑什麼呢
其實我哋傾過好多次工作上點溝通，次次佢都話知知知，但過幾個鐘又唔記得。
係咪嬲你中午成 12 點先起身呀？？
唔係話幫佢追緊廠嗰啲嘢嘅咩
人哋都返晒工啦
我琴晚做佢公司嘢做到零晨兩點幾，佢都係早我15分鐘起身。如果咁都嬲，我無話可説。
好難攪，因為你地個身份混淆哂，係兩公婆定係雇主雇員？ 呢段時間，生意唔好，易發火唔奇，但你地要攪清楚個關係先
好同情你，但係唔好意思講句，呢啲老公嫁唔過
開得自己公司，都有返咁上下人生閱歷，點解會eq咁低？有冇尊重過老婆
佢到依家仲嬲緊。
我因為做家務，意外整傷右手。佢平時會幫手切嘢炒嘢。但頭先佢見住我拎床單被單入去換，無理我。就係咁，每次佢嬲就唔會理我死活。
剛剛佢襯我去厠所，拎咗枕頭出廳預備出廳瞓。
1個讚
你老公情緒智商咁低咁低，遲啲生埋細路仔有小朋友，仲有排嘈
2個讚
比我一定發佢火，男人老狗小小事就黑面，樓主你太好脾氣喇，你就慣佢，佢都當你無到，你要發下火對佢先得，見你受傷都唔幫手換床單，仲走出廳瞓，衰得佢。
其實我以前都好低EQ，係對住佢，迫到我要改善自己變成今日嘅我。
我一直都唔會死忍，有時都會爆返佢(今次都係)，但就會俾佢講成"係我無端端發佢皮4"。佢好似唔記得係佢發皮4激嬲我咁。
一半結果係佢知衰道歉 ; 一半係我先認自己語氣都唔好，同佢平心靜氣傾但佢唔傾，我入房喊足半日佢先氹返我。但近排聽得出佢唔係真心覺得自己錯，係費事煩先至氹返我。
arGma
20
宜家請人容易咗
或者試吓諗part time
你要計清楚條數喎
你為公司好 為partner好時
partner唔會知原來你賠上感情𠺢喎
用請一個人嘅錢嚟收補夫妻間長期磨擦
夠找有凸喇
