之前有個窮養富養討論。
今日復課，同事講起佢仔同個有錢同學做朋友，今日富爸爸會車佢地一齊返學。呢個有錢同學平時仲會請同學食Tea或者唱K. 雖然佢個仔乜都冇講，但始終已中學咁大個，佢驚個仔其實會比較而唔開心。
如果大家面對同一情況，會點睇？
如果讀得同一間學校，應該唔會太大距離，至少有好多共同話題。
可能我而家識真係好有錢嗰啲根本就唔會同到普通人做同學。
反而我細個嗰陣，仲會有人讀IS同班，一個住居屋，一個住豪宅，但大家都係咁一齊玩，分享共同興趣。又有人讀同一間津校，一個住公屋一個住半山都係咁做同學。
1個讚
男仔應該冇咩所謂
1個讚
隨緣
1個讚
我以前都同過大學教授嘅女兒做朋友，但佢份人好低調，到佢出國讀書我先知。
又試過因為做project先知道同學住又一村，佢份人一樣低調。
你同事個case個家長咁高調，我自己就未必想個仔同佢交往啦，費事有樣學樣
2個讚
既然已中學，其實已唔到你影響佢社交圈子，
簡單d諗，就算相同背景，一樣未必啱key,
阿仔覺得同呢個同學相處得唔開心（相反亦然），自然會遠離，你想佢地fd佢都唔得啦。
反而係請食野/唱k呢度要提佢，唔係因為對方有錢，都係嗰句，唔理對方咩背景，都唔應該接受（小息食兩塊薯片當然無問題）
4個讚
做朋友又唔應該計身份地位喎
岩咪做朋友LOR, 唁岩玩咪唔好玩
讀書時識朋友就係咁簡單
係大人諗得太複雜
中小學既友誼好單純
4個讚
背景相似都唔一定做到朋友，識人住豪宅，家庭背景各樣都好過我 N 倍，一樣做到朋友。
小數目 20 蚊內唔會計較，但請食飯呢啲就一定 AA，就算同學係賭王一般嘅身家唔計較一千幾百，都唔可以令對方吃虧。
12 網嘅學校好多都有呢個問題，山下公屋，山上豪宅，都好多做到朋友唔會比較。兒時朋友唔會計較呢啲，係出黎社會打滾耐左先會理呢啲。無需諗到咁複雜。
2個讚
JM心水清
可能仔本身就讀學校，好多家長背景都比較富貴，响高小已經同佢地講咗呢個情況，幸運嘅係我地屋企其實都唔差 (比上不足，比下有餘啦)，佢地亦無野係缺乏嘅，係比人少d去旅行，無私家車接送，無智能電話…
而仔又會好dd，無女咁鍾意比較，佢地話，其實平時唔覺有同學特別富貴
[quote=“kipling, post:7, topic:21017”]
已
[/quote]我老發覺我姪女、六年級、會講「你地有錢啲、你請啦呢啲說話」、其實唔理有冇錢、出嚟食野自己自己出返自己果份係基。開口埋口話人冇錢好冇禮貌
1個讚
我都覺好敏感啲、會比較
大大下就會分道揚鑣
夫妻都會離，諗咁多做咩？順其自然就好。
2個讚
有d人係咁講嘢，我覺得有d大人鐘意咁講嘢
1個讚
耳濡目染… 
1個讚
有疏堂表弟因為圈子來往嘅人都係富二代，好高騖遠，成日嫌佢阿爸窮，其實佢阿爸都係中產
我又覺得無所謂
呢D比較無止境。個個都知人比人比死人，但有幾多個真係做到唔比較？
1個讚