有冇媽媽自己教小朋友做功課&溫習？我覺得自己教但成績冇進步，唔知係我問題定係佢吾入腦？每次溫完一課教下一課，之後問返佢之前既野可以完全唔記得？已經默過書做埋練習簿都係咁。想請教下各位媽媽有冇咩心得？
教係唔易，如果唔係，教師駛咩咁高人工？ 同埋因為環境都有影響，係學校係一個學習環境，屋企唔係，所以未必入到腦
2個讚
我放棄左，放假放到無心機做功課
我日日被兩隻馬嬲轟炸，心力交瘁
1個讚
我有教，亦都明顯知佢退步咗。之前學校無online lesson，死頂照教⋯教完做番學校作業⋯宜家有live lesson，我已經放咗手啦⋯之前教主要係因為唔教，唔係無進步，係佢會洗腦之前學過既野⋯宜家有老師教咁啲，就俾自己抖下氣⋯
利申：低小
我嗰個仲細，無勉強佢跟足學校課程，d書、習作擺曬係屋企，佢鍾意做就做，唔做由得佢
金魚記憶，龜年出世。
你不孤單
3個讚
教唔容易，否則點解老師一定讀教育文憑？
每個孩子都有自己擅長唔擅長，適合溫書方法，唔係一時三刻知道。
我係老竇，仔小1，停課後自己教（搞）咗4個月，發覺學校差唔多完全教唔掂，自己教反而追返好多。不過自己嚟最須要時間同耐性，我每日爆炸幾次，盡量內爆唔好炸親條𡃁。我堅信細路學唔識一定係教嗰個唔掂，唔明我就再諗辦法，都有試過真係諗唔到點解釋，同仔講係我唔識教，唔係你蠢，一陣再試。慢慢嚟，多諗辦法，冇得急。
8個讚
佩服！
我想自爆算了
我都好攰
我個仔淨係我教先至只會專心
我叫爸爸教佢其中一樣比我抖抖啦
點知爸爸教就第二個樣
根據我多年觀察，10 個爸爸 1 個唔識教，9 個唔願教
唔多爸爸願意犧牲攤抖時間去教，讀完一次本書就覺得仔女學識左，佢唔會顧及到個小朋友真明定假明，問一句 “明唔明” 就算。
係咪教既方法唔夠有趣呀?
唔同年紀小朋友唔同教法
呢個係佢地聰明之處,
之後都唔會旨意佢教
我都理解無返學甘耐係會心散d，但問題係學校通知復課無耐就要考試我先驚，成個下學期完全自教，考乜鬼野
你好好吖，唔係個個老豆都會跟仔女功課，明白返工好累，但係教功課果個心情真係時刻都爆炸，只係想有人分擔下果種心理壓力
我自問吾識教，只係想盡量令佢明白課文內容，然後叫佢自己理解下再做功課。
呢輪睇過學校網上教學，唔係我自大，我自問好多科都教得好過老師，可能一路都係自己教開小朋友，大家互動好好，小朋友又係一點就明白嗰隻。如果香港可以homeschooling 就好了
1個讚
大女小一到今年小三, 做功課考試都係我教同幫佢溫習
黎緊妹妹小一, 我決定送佢地去功課輔導班 
我要返工, 放工返黎要教功課溫默書好累，大女係要等埋我返黎先肯做, 成日做到9-10點
加上有時都會鬧佢, 我唔想1打2所以今年放手去補習班, 睇下會唔會好d
1個讚
我有兩個小朋友, 大女係無乜EQ但讀書過目不忘, 只要捉到佢專注嘅時段同埋有規劃咁溫書就得. 所以我無太深體會自己教有幾辛苦, 阿女成個小學階段無補習.
到細仔, 佢真係課堂返來得4成, 瞓醒個覺得2成. EQ好, 但係教極都轉頭忘記, 老公好錫呢個仔都教到噴血跳fuse. 終於跪低小4開始去補習, 其實除了交齊功課, 佢都係教完忘記, 不過我地勞少D氣只係執補習老師手尾再重溫又重溫.
我想講, 每個小朋友都唔同, 未必個個可以唔駛去補習. 不過你試過, 勞氣過後可能會傷害到親子關係, 就最好放手俾人地教吓, 每個方法都試下. 目標為本, 最緊要小朋友提高學習效率, 可以多D時間發掘課外興趣.
讀書係重要, 身體更重要, 加油啊!
2個讚
我覺得, 家長識得多, 未必識得教.
好多時都係睇教學方法, 小朋友接受得到, 可以持續落去就係有效.
佢唔吸收無話邊個唔好, 只是方法不對.
1個讚