見住第一個自己玩，好悶咁，有考慮生第二個一齊成長。
照顧父母有兄妹幫忙，見住自己小朋友得一個，將來獨自照顧父母，有考慮生第二個，有人一齊面對。
有冇人正考慮生第二個？
1個讚
有能力既話生2個係好d, 有兄弟姊妹陪住成長。
但現實，兄弟姊妹長大咗係咪相親相愛呢？ 我99成日話我老公細個自己一個玩好悶，之後生咗叔仔，但我一d都唔覺得佢地互相照顧，相顧相愛，老公仲成日話點解62 99無錢學人生2個
我有1-5% 機會生多個
生就唔係預細B同大嗰個玩，只係for我地大人想生多個
手足情我覺得係一般大人一廂情願，最多係兩個小朋友由細學識同人要分享
經濟狀況我覺得係首要考慮因素，其次就係父母肯投入幾多心機去照顧小朋友，真係勞心勞力㗎
生第二個就預咗更加無自由（係精神層面），我係FTM同埋有工人姐姐，如果生多一個就需要請多一個工人同一個司機，財政上我地OK，但我真係唔想加多一個精神負擔，因為就算有工人，我同老公90%時間都親力親為照顧小朋友，生多一個，我地兩公婆應該無乜私人空間做自己嘢，應該99%時間都係family time
3個讚
有個伴對小朋友是好事
已生兩個，沒後悔
預計唔到太多
將來他們會否友好，無人知曉
做父母既只係盡力灌輸、教育彼此相愛以及手足之情。
我也掙扎了一陣，不過我還是覺得有伴好一點。至少將來我們老了，不會一個孩子承擔所有責任。手足一起分擔是一件好事。
1個讚
準備生第2個
有仔趁嫩生，好多時一高齡就唔係想生就生到
而且，有伴成長會開心d
2個比1個好
怕攪唔掂，考慮中 
好累，但又好開心。慶幸2個相親相愛疫情其間2個一齊玩，亦都一齊胡鬧，雖然辛苦但是幸福的。
1個讚
你敢肯定第二個一定同第一個夾得埋?
如果純粹考慮養兒防老就千萬唔好
1個讚
生多個無人擔保佢哋一定相親相愛、一定一齊玩、大個一定分擔照顧父母。有係bonus，但世事唔會永遠咁完美。
嗰時我生第二個純粹懷念bb 時期好得意。
1個讚
有時會feel 到佢地做sibling 係緣份，好似一早識，一個lung住一個黎。當然好靠父母點去教佢地相處再去enhance 佢地既關係。
我諗呢家既香港好少人會養兒防老啦，唔生仲有錢得多。
我係對應返樓主個考慮因素
咁你就誤會曬
好多人真係仲有呢類想法
比較間接嘅講法：如果生一個，老人家病咗，一個好辛苦，生兩個就可以輪流照顧老人家
係呀係呀
呢個都係for我「如果生多個」嘅動力
你真係好有錢，生多個請工人同司機。
真係有錢就依家即刻請多個工人+司機啦
要度過計過先考慮生多個，錢絕對係一個問題負擔到但唔係「濕濕碎」
我曾經好衝動想生第三個，不過諗起自己精力+耐性就打消念頭。
依家睇到朋友嘅初生b 就好羨慕。
呢個感覺唔會因為生咗第三個而消失
我生咗3個,但係到而家見到BB我都會心心眼
