我對上嗰次十幾年前，喊足我三個月
當年男友(而家老公)話我喊時顯得我好善良好有愛心，決心娶我。其實我痛到死咁滯
你老公都幾搞笑喎
我自己個隻試過18歲走，直頭厭食左2個星期
我主子走咗兩年，依家諗返起都會想喊
，可能從來都未克服過
，唯有時間沖淡
1個讚
我相信而家只係暫時分開，他朝一日我哋會重聚
我娘家的狗狗今年已14歲了
近來都開始睇啲如何照顧年老狗狗的書
同埋物色啲善終公司嘅資料
最重要自己諗得通，
由養毛孩嘅第一刻開始，
就要明白並且接受係你需要承擔嘅情況之一。
上年10月我15歲貓貓畢咗業嘞，當然都爆喊，
而且遺憾嘅係嗰日我唔喺香港。
我同我老公返到香港之後，
2個直情出現幻覺（聽到佢抓衣櫃門，呢個係佢嘅習慣，會抓門叫我哋開門俾佢入去瞓）
但我咁諗，我哋14年來完完整整陪伴咗佢過完呢一生（又或者可以講係佢陪我哋）
無論以前、將來，
我都可以好有信心咁講，
我哋好愛佢，佢好愛我哋，永遠不變，無論肉身在不在
再慢慢接受同消化「唔捨得佢」呢個感覺。
同埋，人大咗，會睇得開啲。如果有病固然辛苦，無病嘅都會睇住佢慢慢衰弱、力不從心，時間要到，佢要走都係必然。
2個讚
一直都會掛住
講得好好，毛孩十二歲，已經有心理準備
傷痛都keep左好幾年諗起都眼濕濕, 發夢有時都夢到
上年領養左一隻, 依家就轉化做"想念"
喵主子走左7年，未有勇氣再養。
上個月執電腦睇到D相仲喊緊
我隻狗走左第9年，我先無咁自責。除左時間，我諗唔到係咩。今時今日我仲放佢張相係檯頭，耐唔耐望下，會感謝佢陪左我咁多年
2個讚
啱啱走咗真係完全接受唔到，
善終服務之後見佢好似瞓咗覺咁都有稍為平服，骨灰攞咗返屋企，諗起佢都會眼濕濕。
如果有能力嘅話，領養一個毛孩，俾一個機會佢，比一個屋企佢。同時自己亦都絕對可以令人更加快走出傷痛。
要用時間去平伏心情，當年狗狗心臟病走得好突然，仲要覆診後走左，內疚左好耐，有成三年唔敢睇狗狗既相同短片，因為一睇會忍唔住爆喊
狗狗走左六年幾，最近呢兩年先有勇氣再睇返啲舊相，我當時日日喊左個幾月左右，跟住就久唔中喊
而家另一隻狗狗十四歲，都有心理準備佢會走，唔知今次會點，好似失去左親人咁會傷心好耐
上星期六，我其中一隻狗急病離世，e隻養左5年幾，佢生前，我錫兩隻狗到燶，前排澳洲龍蝦平，兩隻狗每星期都有得食。。。基本上，我傷心左兩日已經無事，星期日已經燒左堆祭品俾佢，約左明天火化，燒左骨灰會散去屋企附近公園
1個讚