係國安法來臨之前，大家有無諗過以下範疇。
如果美國強力制裁香港，迫洗港元同美元脫鈎，港幣一定會有一定程度嘅貶值。到時候百物騰貴，有機會人仔全面進場，到時候個兌換率必定差到無朋友。仲有機會同時間係咪要將d錢兌換做外幣，甚至要放離岸戶口？
保險又如何？快d睇下係咪全部都係美金單(以我所知大部分都係美金單)。但係賠償係以美金定係港幣計算？我前設係港幣貶值甚至係港幣比人仔取代。
如果港幣會貶值，咁超市日用品加價，大家手頭上嘅港幣仲買到幾多嘢？
我提出係最壞嘅情況，只係想大家諗下情況係可以急速轉差，事前係無人通知你做準備。我都唔希望會發生，但係係咪又完全唔準備呢？希望大家小心行事。最後五大訴求，缺一不可。
理論上中國唔會比港紙消失。首先中國唔開放人仔自由兌換，係因為唔想貨幣市場容易受外國干預而影響佢貨幣政策。港幣可自由流通，所以既可幫中資以港紙換外幣，又可幫中國擋左個貨幣風險，中國有非常強既原因要保留港幣。
至於對外國而言，中國市場龐大非常吸引，但資金流入易流出難，而且有政策風險。所以一個可自由兌換既港幣亦同時幫佢地免去資金進出既問題。所以響外國眼中，港幣既存在係有非常大既價值。
我覺得呢個世界大家求財，唔係以打仗做目標(但有時打仗都係一種手段，不過此為後話)，所以即使係美國，佢都要照顧美商利益，唔會輕易就整死香港同港紙。
如果取消特殊關係法, 走資就一定會, 港元一定眨, 但點解係人民幣進場?
我覺得係咁
最初大家都係咁諗，任志剛早幾年都有提及過用人仔代替港幣。情況就好似23條或者國安法，大家諗住短期內唔會發生，但係依家原來都可以近在眼前。
港幣嘅存在價值除咗本身經濟，都睇美國取態。我唔敢太樂觀，所以出post希望大家會思考下同討論一下。
重點係政府只為CCP服務，佢唔會理香港人死活，大家要做最壞打算。
仲有ccp行得國安法，正路唔會唔知道後果，點解仲要強行加入基本法附件3，背後動機係耐人尋味。
響中國眼中，如果要用人仔取代港紙，起碼要符合以下條件︰
1, 中國強大到唔怕你歐美搞佢貨幣。人仔可自由流通而唔需要用其他貨幣做媒界。
2, 港紙因為某d原因唔能夠再流通，同人仔處境一樣。咁佢已冇左作用。
港幣存在價值係因為佢係一種流通既貨幣，佢流通對中國、美國同世界各地一樣咁重要，因為同中國做生意要搵一種貨幣做媒界，人仔唔得，美金又要有外幣兌換，如果唔係港紙，除非佢地搵到另一隻貨幣係又可自由兌換，而中國又容許佢可大額同人仔兌換。夾硬要講澳門紙可以係一個選擇，因為澳門under中國又可自由兌換。可惜佢流通量太低，遠遠及唔上港紙。
keep港紙唔係因為咩感情呀民族呀呢d原因，係因為實際需要。雖然經濟唔係我範疇，不過我都幾肯定就算港幣有機會貶值，但只要中國一日唔開放人仔市場，港紙對中國同全世界都係必要既存在。
希望有識經濟既達人賜教。
依種係理性思為. 就好似 siu 生咁, 講得好有道理, 都幾鐘意聽佢分析.
但現實係經常同佢的分柝相反.
我冇你咁樂觀。
之前都覺得香港好特別，一定唔會亂嚟。而家…
肯定要把 1/2 ~ 2/3 港紙現金轉做美金先安全
港幣唔係最主要流通嘅國際貨幣。
係貿易上，商務上係冇人用港幣結算嘅， 歐羅都取代唔到美金。
我而+偏向相信毁滅香港, 再重做一說
大家應睇兩樣嘢： 第一，外國投資者對香港嘅信心；第二大陸人對香港嘅信心。 如果呢兩方面都冇信心，咁香港就冇存在嘅價值。
認同.
香港已經係連b6人都冇興趣投資的地方
一個貨幣嘅存在就係基於本土經濟同對當地嘅信心。
基本經濟香港97後已經係食老本同靠大陸資金，武漢肺炎後因為各國鎖國後大受影響。其實如多國家都受相同影響。
講到信心問題，好多國家聯想到香港好似柏林一樣，ccp 因為疫情關係令到好多外國政府要從新審視對中國政策，加上佢突如其來嘅國安法。好多國家都會對香港嘅政制體育出現信心問題。香港本來係要嚟抗衡或者係平衡ccp，但係ccp要一手將呢個抗衡作用摧毁。
其實happinese分析得好啱，不過佢係以經濟先行嘅角度。而家我地係局內，當然分析會加入我地個人情感。
當事情一步一步咁發展到呢一步, 就應該企係另一個角度去諗同睇眼前會發生的事.
冇人可作100%正確預測，大家都係基於已發生既事去推測，講白D係去估。所以唔知邊一邊，邊個角度會「估中」，可能一人估中D都唔定。未發生誰知道。
不過就因為身處其中所以先要抽離。我接受大家用唔同角度去睇同一件事，所以我都會企響我睇到既角度去講，咁先叫交流。
但呢個係大topic，我都好期望有真正識經濟既人可以分享下佢地睇發。
當世界係用人民幣做結算我完全唔介意…
我地中國曾經都威過, 白銀做結算年代。
人仔唔會做到，除非佢可以自由兌換。
不過我贊成中國威過呀，哈哈。
我個人又冇咁灰…
香港金管局暫時死都會保住聯擊匯率呢塊貞節牌坊, 如果到有一日真係人仔取代港幣, 即係攬炒成功之日, 香港改名為廣東省香港巿。