今日同媽媽去開東亞銀行保險箱，佢話唔見左兩隻金鈪，而家好愁。但知一定冇仇報，所以唯有由得佢。
為免夜長夢多，想喺屋企放一個防火夾萬。想問下大家有冇推薦邊款？
唔該唔該~
下～咁都會唔見！報警先la
銀行有cctv ，又有買保險
1個讚
銀行監管得好犀利，正常我就唔相信銀行夾萬都會唔見，會唔會係媽媽記錯咗啊
銀行內部監管有嚴密，有晒閉路電視，基本上唔會有人監守自盜
塊引用
而家先睇到𠻹 
係呀，喺發生呢件事之前我都覺得好荒謬。
但真係冇可能係我地記錯。
鎖匙得我媽媽有，兩條都佢自己keep，另一個登記左可以入去嘅人就係我，而我地已經有超過7年冇入過去。
對鈪係媽媽嘅寶貝，80年代放左入去就冇拎過出黎，更加冇需要拎出黎賣，事關根本唔等錢洗，對鈪都只係四萬幾。
我地得一個箱，唔會記錯。
我5月同媽媽去開箱想放野入去，佢先發現寶貝失蹤。個箱其他金器仲喺度，所以唔會一開箱就發現。
我即時喺保險庫search新聞，發現因為金價貴，嗰排想賣金嘅人多左，5月(同後來嘅6月）都有人發現自己唔見金（唔知實際幾時被偷）。全部都係東亞。
當然啦，呢啲新聞下面comments都係網民懷疑事主屋企人拎左/老人家記錯/自己賣左。比我都會咁諗，如果唔係喺我身上發生……
個賊好精，佢只會偷一啲，唔會偷晒，事主唔小心檢查唔會發現，就算發現左講出黎都冇人信「點會偷一啲唔偷一啲呀，肯定你妄想啦」
但係，幾年前美國真係有一堆保險箱比人清左（又係master key款式保險箱）。不過個賊冇咁精，佢乜都拎晒，所以受害者好肯定係有人偷。
我同朋友講，大家一開始都唔信。不過佢地識我又識我媽媽，知道我地唔係婦孺又唔係等錢洗。講講下，有人先記得佢媽放東亞條金鏈幾年前冇左，一直以為自己記錯。但條鏈到而家都搵唔返。
結果而家全部人都走去取消保險箱
1個讚
銀行只keep一年cctv，仲要態度係「冇可能囉我地保安好完美你唔中意就報警」「btw, 之前啲人報警都冇見到有警察黎查我地喎你呢班精神病人」
明明東亞唔見金嘅新聞都已經有幾單，仲要一啲內部調查都冇意欲做。大佬，呢排先有人報警，唔代表係近排偷囉，N年冇開箱，你識唔識check下咁多年嘅staff list呀？
警已備，但媽媽唔想警察查我地全家（係呀第一件事係懷疑我媽自己偷自己金，然後就係我欠債偷左，再跟住係我地全家），又話要搜屋（肯定自己拎左仲會放喺屋啦天才），佢覺得班人根本唔想做野，只係覺得佢無稽，所以算數。(唔怪得之前啲人報警不了了之啦～）
1個讚