我目前既經歴裡面，係無被歧視，但我諗都要睇區。我知道有人曾經被歧視，其實，呢樣野避唔到，同唔知幾時會發生架嘛，但，普遍呢到d 人係nice既。
你當時係點揾樓？有冇agent架？租定買？
我打算租先，穩定先考慮買…
用Right move app搵，zoopla 都ok, 呢2個係英國比較大同update 既房地產資料庫。
地產舖唔似香港咁，咩區既盤都係中x美x做晒咁制，呢到每區都有當地既地產舖，所以，每區都有好多間細既地產舖。
我仲係租緊咋，…因為我睇中果層樓既買賣進度係…慢…到…無…朋…友，一般吉屋係3個月內搞得掂既係好快架嘞，我果層因為仲有人住緊，所以就…等等等。呢樣野同香港完全極之唔同。
絕對同意，租住先，有個地方落腳係好緊要，唔洗心急買樓，除非遇到好啱心水既屋啦！但，都係果句，有d野唔到你急，你再急，佢地既態度依舊，跟足程序走架。
6個讚
謝謝你的分享，資料好有用
謝謝你的詳細回覆，好有用！若買全新屋或apartment 會否快啲和簡單啲
“全新屋“據我了解係全屋包晒裝修同基本爐具，所以拖個篋入去就住得，但，聽人地講過，新屋d牆比較薄(會比較凍)同埋對門係篤得穿(即係要換門)架。(我理解為全新屋d用料唔及舊既屋，而舊既屋既意思係指樓齡約20年左右，當然，都要睇咩發展商同咩價錢啦)，另，好多全新屋既位置唔係好靚，唔近超市，出入一定要揸車，同市中心有d距離。我諗係呢到買樓，快極都要8至16個星期，佢地查好多野，咩都跟程序。
Apartment我無考慮過，因為，同好多新屋一樣，都係leasehold/年期250年之類，而我想買freehold同有自己後花園既屋，所以，我睇黎睇去，都係獨立屋同半獨立屋咋~
我成日話慢，係因為…同地產睇啱買樓之後，要自己搵律師樓，地產會介紹律師(但唔會主動，係等你問佢至介紹)，跟住就要同律師要報價，報價啱，要比齊資料律師，又要了解你既財務來源，而層樓要做survey 又要等報價，要約時間去單位到做，要時間寫報告，律師要時間研究個survey report (成本黃頁咁厚架)，提醒有d咩潛在問題，然後，你自己要時間消化律師比你既report, 考慮係咪繼續買層樓，如果ok就到確認交吉日期，睇下賣家幾時搬…總之，同香港果d好唔同，唔係咁簡單!
1個讚
我覺得，最簡單就係租樓住，租吉屋有靚裝既話，最快2~3個禮拜就搬到入去住。
要買屋既話，一定要自己有時間先好去做。如果唔係，我應為會時間既壓力。
另，我識得一位係英國住緊既香港人，佢幫緊一d香港人係英國置業，佢做埋管理人，由睇樓買樓裝修到放埋租收租咩都管埋晒，但佢係有收費。我係靠自己(其實都係想長知識)，所以無問佢點收費，如果想買樓又怕煩既，但又肯比服務費既，可以搵佢幫忙。
1個讚
黃?
Thx.我都prefer house.就是怕買舊居會有手尾。無論如何都要等land之後再算。你們之前land入境手續或日後申請移民局時間和文件煩嗎
我果時係香港飛倫敦，入境同平時去其他地方旅行一樣咁過海關，關員問有幾多個人黎，黎做呢到咩，答完佢跟住就吸左個印係passport到，正式入境嘞。超快!
只要跟足visa例明要求既資料同文件黎準備，就ok，唔覺特別煩(呢個係我既睇法姐)
1個讚
Sole rep係咪當為原有公司係英國開分公司咁呢？
除咗business plan，咁對公司背景和投資金額有咩要求呢？
嗯，要係英國成立一間公司為香港既分公司，記住股東係香港既母公司啊，同要係英國開個公司銀行戶口。
**黎緊6月4號開始收緊sole rep既申請要求，要注意!
我申請果時，就“公司背景同投資額“，係無任何要求，我舊公司只係做電子零件貿易。我個人覺得，只要符合visa例明既條件就ok, 當然，人地批唔批都要考慮好多野，好似:
香港既公司有無一定既生意額…
成立左幾耐呢？…時間:愈耐愈好啦！
Business plan係咪介紹到係英國開分公司發展既需要性，行業既市場研究同銷售策略等等等等…
仲有年度budget 同3~5~10年既forecast…
詳細得黎又清晰，批既機會愈高啊～
但，聽講而家多左人申請呢類visa, 所以，行業既獨特性，都可能會增加成功率呢。
請問容易揾文職工嗎？
若返工，小朋友放學後一般由誰照顧？
我諗文職唔難搵，請唔請就另一回事。要睇你搵到d咩老闆，英國人既老闆唔多請華人，BBC除外啦～華人既老闆會比較多請精通國粵同英語既華人，但，多數係做客戶服務同銷售員，會計都有既，睇你遇唔遇到。
黎得呢到搵野做，一定要豁出去，千祈唔好同香港既比較，咁樣會好d 。
“小朋友“ 係幾大，佢地呢到nursery 由bb到4歲都會幫你照顧，夠5歲以上，返得reception或小學，佢地返9放3點3，如有需要可比錢繼續留校託管到6點。如果係中學就由佢自己放學返屋企，唔洗理啦～哈哈!
想問下,如果係 barclay 開離岸戶口,要唔要英國住址?詳細又點申請…可以講下嗎？謝謝你
我研究過申請spouse visa和dependant visa 都要先有地址,會評估地方夠唔夠住，所以我確定落腳點之後，應該會早少少去租個地方先，預備好一land可以住，不過就預左白租一段時間。
可唔可以介紹個管理人？人生路不熟，預左先洗錢人幫手。
嗯嗯，你會考慮住邊區? 我睇下有咩幫到你~
另，FB有個叫Peter衛 sir，佢呢期講同四圍咁睇英國樓，唔知道對你有無幫助~
冇專業技能難唔難搵工？同男朋友都冇，男朋友一般文職，自己做customer service ，識西班牙文咁…好唔想係香港生仔，但我好驚係英國survive唔到…
BNO未平權就冇本錢，平左權三十萬人一齊去又唔覺得自己爭得贏，係咪注定我要留返係香港
咪咁灰，總會生活到，唔好亂諗咁多。
其實，過黎英國係好睇“決心“有幾大，我係堅想留低係英國果種，雖然知道呢條路唔易行，也曾經斷纜咁制…但，總有方法解決問題，預左唔明就問人，三唔識七都搵人傾下咁，咩都重新黎過架~ 其實，有苦有樂自己知啦！但，有決心既話，我相信係絕對刻服到架。
4個讚
我好似已經有follow佢