我出發前係香港book左1個月既apartment 黎住, 而，到步後就即刻四圍約睇樓搵地方長住。
係呢到，如果要辦d咩咩咩，無英國地址同電話號碼係唔搞到。
但，如果有識人係英國，而又好急需要有呢d資料既情況下，我諗借用一下佢既地址同號碼應該無問題既! 呢個係我諗架咋!
唔洗客氣!
1個讚
謝謝你的意見。這次疫情，中學有冇排華和對學生帶口罩接受嗎？
呢到3月尾開始lockdown到而家，大家都唔係點出街，最多都係極速咁去一轉超市買必須品。so far未見到，亦唔覺有排華，但我諗都要睇區，同自己都要小心。未lockdown前，中學都唔覺有排華消息, 學校裡面係無人帶口罩架。
呢到一開始係無人帶口罩架，但，最近政府建議，如果好難保持社交距離既情況下，可以wearing a face cover黎保護，而家超市多左人帶口罩，應該係10個人裡面有2，3個人會帶口罩咁啦～。
我地華人十個有十個外出都會帶口罩。
2個讚
Say個hi先，我係今年到埗架，settle down完就開始lockdown。
真係唔洗擔心小朋友唔適應，英國好多新奇事物，又多戶外地方可以玩，越細越快適應！
一開始我都有打算去Manchester ，我好鐘意食市中心一間蘭洲拉麵架，地舖係打邊爐，樓下係食拉麵。
1個讚
你兩公婆做邊行？
而家未有永久前，小朋友學費係本地定外國人rate?
你現在住那一區呀？我們一直最擔心就是學校禁止學生帶口罩或face covering，因此只能拖延過嚟的步伐。
Thx. 請問你之前提過Monzo是否一定要有英國地址先可以開戶？
我地係普通文職打工仔咋。
憑住我個visa, 佢地係呢到既公立學校，可以免費讀書。私校果d我唔了解，唔知係咪分本地人同外國人既rate呢～
我住Salford區。
政府學校會跟足指引黎做，即，政府唔叫帶口罩，佢地係唔會帶架! 不過，佢地係清潔同保持社交距離方面做得唔錯。所以，唔係點外出既話，都ok既。只係d細路黎緊復課，就要自求多福。
1個讚
我係香港匯豐開左個offshore戶口先架，咁到步後都叫做銀行戶口用，費事帶咁多cash。
因為，屋企附近無英國匯豐既分行，如果有咩問題要去分行搞，就要去市中心處理。所以，我係屋企附近既銀行開左個戶口，方便d。
用bno都開到
謝謝大家資料！
可以分享一下若賣屋㨂house好定apartment?係香港就一定無得選擇
多謝你回覆
我c6 係bc by descent,佢就冇NI,佢冇係英國住過。
我哋有車牌，我自己就雪藏多年，如果真係去英國前會解凍先，
最concern真係小朋友適應，過多幾年佢就踏入青春期，怕佢唔知識唔識到新朋友，依家我係有刻意train 佢英文，希望至少佢返學校同人溝通到。
我都有考慮呢個問題。
住屋都硏究緊點入手。
係香港住豆腐潤，我真係好想試下house…哈哈
我都覺得越細越易適應，都想早啲帶小朋友過左。阿仔剛小一。
1個讚
我講既apartment係我啱啱到步就住既服務式住宅，臨時短期住果d。間apartment, 咁啱一落樓下就係大型商場，有超市，仲有銀行，超方便。只係齋住咋，一日3餐自己煮，叫做有人會黎清潔下，但，唔係日日架，所以，自己都要keep clean，一分錢一分貨，服務式住宅唔同住酒店(呢個係我既選擇，哈哈)
至於搵長住既要house好定apartment(公寓)好，個人睇法, 住公寓=同香港住緊層樓一樣，都唔平架! 搭lift，一梯幾伙咁，屋入面有落地玻璃好夠光，一眼會睇晒客飯廳，廚房厠所同睡房咁，有d可能有陽台，樓下多數有個好細既會所做gym ，附近有超市或shopping centre 配套等。
住house(可分獨立屋，半獨立屋同排屋)，睇自己budget，最好緊係獨立屋啦，但比較貴。勝左成間屋都係你，分2層，樓下好鮮明咁分左客廳，飯廳同廚房，有前後花園，樓上係睡房同厠所，普遍係2~4房，仲有閣樓擺野，但，要時間適應“行樓梯“，細路仔係花園放電一流。 最好留意超市近唔近自己，始終生活必須，近既可能行5分鐘就有間，遠既可能要揸車幾分鐘都唔定，個人提議揀屋時要考慮埋呢樣野！
揀Apartment住，容易搵到香港既方便同熱鬧感覺，生活必須比較齊，人流又集中。而，住House係有放鬆同平靜既感覺，出街見到既人唔多。
自己取捨，其實無咩最好同唔好，實會搵到啱自己既地方住，放心啦！我就住緊半獨立屋~ 如果你需要幫忙，到時話我知！幫到既我實幫，我果時一家大細咁黎到，都係遇到好心人既幫忙，真係堅感激!
8個讚
小兒初小, 在香港讀官津, 請問在英國讀公學對華人bullying問題嚴重嗎
唔洗客氣，我都係知幾多分享幾多，哈!
你老公既身份，我無研究過，不過佢係BC, 黎到有住址之後想搵工，就去(類似香港既勞工處)登記唔難搞到NI既~
你地最好係香港換個國際車牌先，黎到有左住址，再去填表換個英國車牌吧。
千祈唔好擔心小朋友，愈細愈唔洗擔心添，佢地既適應能力同接受程度係遠超你既想像。咁，青春期問題，係可能會有d心事既。我阿仔係13歲，黎左一年多d, 都係黎插班讀書，唔叻英國，朋友唔多，5隻手指數得晒，但係學校既生活都ok喎。佢話日日唔洗做功課，唔洗成日溫默書，測驗同考試，正呀！有時仲會分享，今日體育堂玩板球，老師今日教佢地drama點點點，今日阿sir教佢地煮meat ball， 今日係學校切左個牛心臟呀！係香港果時，佢放學就要去學小提琴，閒時要做好多功課，同溫書，周末要玩柔道，游水等，都好忙架，好少分享佢既校園逸事。所以，佢而家好hea, 但好enjoy悠閒既每一日，我暫時未察覺到佢有青春期既煩惱，可能未到啦！總之，唔好諗太多，有d野係要自己去經歴，唔到你諗同安排，咪搞到自己成頭白髮呀!
3個讚