幼兒階段係各樣知識嘅萌芽，食玩瞓而外，亦可培養對知識嘅渴求。
～父母可參考書本「 在家也能蒙特梭利」「餵故事書長大的孩子」「用有聲書聽出英語力」「培養孩子的英文耳朵」「好媽媽勝過好老師」「我不是天生會當媽」「reading magic - Mem Fox」「 The Read-Aloud Handbook - Jim Trelease」。
～ 製造周圍都係書嘅環境，小朋友係海綿，令佢覺得書就等如玩具，可以陪伴佢（bb 其實對所有野都係好奇），令佢建立愛書多過玩具嘅習慣。
～由零歲開始 父母伴讀，不要以為咁係怪獸，無人叫你拎本黑白文字小說讀比Bb 聽。其實親子活動就係攬住小朋友講下氹下，讀圖畫書就係其中一種。唔好以為佢唔識講野就唔知你講乜，其實聽得多佢已入左腦。胎教都係咁～
～ 返學前就聽多啲英文兒歌
～ 返左n 班就適度地睇youtube 學英文, 睇alphablocks (學phonics)，睇一段時間後就可睇peppa pig, Charlie n lola, magic school bus… 次序不要倒轉，食完糖無小朋友會想食飯。但youtube 不要睇太多，一星期一次唔過一個鐘。
～ 聽audio book , 買故事書買啲有埋隻cd 跟嘅，等佢練聽英文。
「聽，說，讀，寫」，幼稚園階段就專注「聽」，識聽又有睇書，再去上英文oral 班，就會識講，聽得多、識講，識埋phonics 就會識「讀」，幼稚園做到咁考小已有個基礎。
但切記「中」「英」要平衡，除非一心讀IS.
背景：我囡讀屋村卷幼，無工人姐姐、無補習，廣東話係母語，只係ftm 揼石仔幫佢學好英文，托賴考入直資英小，現讀小二，成績唔錯，見隔離xx kingdom 有人想問心得，心諗要答不如分享比「同路人」。
有機會嘅就分享我囡喜愛書單～
