我自己有:
Agent A:
一份住院人壽連儲蓄(媽咪十年前幫我買落)
Agent B:
一份已供斷人壽(媽咪買落)
一份癌症及中風(媽咪買落)
一份住院(媽咪買落)
Agent C:
一份危疾加儲蓄(我自己買)
有d保險係因為親戚關係所以我媽咪去買，但條友無做，變左孤兒單，跟個人又係呀嬸
而家我每個月平均保險開支都3千幾，但好鬼亂～
我老公由細到大，佢屋企都無乜幫佢買保險，而家想重整，所以想問下其實一個人正應該要買咩保險？我地兩個33歲，啱啱買左樓，手頭緊
想睇下大家有無經驗分享？謝謝
壽險，cover到死左都起碼幫另一半供樓，危疾，預大單嘢自己比唔起都醫到
唔係睇幾多份，而係睇個保障夠唔夠，如果唔夠，買一百份都無用
呢啲真係好個人
如果你有父母係靠你養，無咗你無飯開果種，有份人壽會幫到你
又或者你有層樓靠你供，份人壽可以用來贖樓
如果你儲錢唔多，突然要你擰5萬8萬出嚟會好頭痕嘅，除非你唔介意排公立，否則買份住院好啲。嚴重嘅就當然去公立，講緊係d係非性命悠關但唔拖得嘅，例如盲腸炎，通膽管，呢啲唔做就好大問題但無可能排到公立果d
至於危疾，醫病就返唔到工，當然可能病假都有糧出，但到咁上下就唔出全糧，加上病咗洗費會多，例如，出入的士，補品，食新鮮嘢，買藥。你另一半亦可能因為要照顧你要停薪留職。呢個時候危疾就有用。不過都要注意，唔係所有病都包，你要睇吓你至怕果d有無包，特別係有家族病史果d
提你，如果你轉保險，例如由一份貴轉去一份平，記得平嗰份生效嘅時候，唔好即刻停咗平嗰份，因為平嗰份一開頭未必乜都包，有段緩衝期要靠你舊嗰份包，所以最好中間有三四個月重疊時間，到時你問你個保險經紀佢會教你
以上係我自己買保險時會考慮嘅因素，希望幫到你
你最細拎哂D保單出嚟review一次先，錢唔多可以選擇無儲蓄成份保險行先
唔係好明
住院同危疾會有等候期，即係話呢份單要係等候期後先叫正式生效，而等候期內，除因意外引致，否則有可能得唔到賠償
所以係轉保單時，一定要知道點做交接先唔會出現真空期，但有一點要留意，新單會有兩年不可異議期，一定要小心，我多數會同客人計好日期去轉
明白，多謝解答
呢個又係點解呀？
經我媽咪手買既保險個agent同我都唔係幾溝通到，嬸嬸咁既年紀，有無得轉經紀架？
住院同危疾，除咗等候期之外，頭兩年索償會比較耐，因為有D疾病，由出現病徵至真正病發可能要一段時間，為免有心人刻意隱瞞病情，所以當份單生效兩年內索償，保險公司會check得緊，查得比較詳細，而兩年後，除非條險公司證明到受保人/投保你刻意隱瞞病怖，否則都要賠償，簡單講，份單生效咗兩年後，保險公司基本上99%要賠錢，所有我幫客轉單時，一定同對方講，有能力號，最安全舊單keep多兩年先取消
邊間公司？另外，因為咁耐之前，露能保障已組應付唔到，最好例子係危疾，舊嘅大多蚊唔包原位癌，及字必保緋身，另外留意保額夠唔夠，眼見好強得個10萬，20萬，有咩事上嚟，真係唔知夠醫帶定夠生活
唔計d必買保險：車
平時只會去旅遊買保險
通常新保險買咗之後，頭三個月會唔包，要第4個月先開始包，因為有機會被當係 existing 嘅疾病而唔保。所以頭三個月，萬一病發，新果份唔保，舊果份又停埋，咪要自己比？所以我會唔停舊果位住，喺新果份頭三個月個空窗期用舊果份保
不過你買咗之後，你可以問你個保險有無呢個情況，有的話係幾耐
明未
明哂 
其實轉agent再整合係可以，睇你決心，唔岩channel的確感覺好差，但依家你似係想幫你老公問。
你老公有冇咩目標？需求？人工budget如何？身體狀況？有冇生小朋友教育fund打算？呢d咁重要的personal background information一定要清楚先可以配置到suit佢的方案
Generally speaking 就每個人人生自身健康排第一架啦：醫療同危疾兩份係必買，相輔相成，缺一不可，至於人壽同儲蓄真係睇個人人生至退休目標想追求乜野
危疾同醫療係必備嫁啦，有起事上黎都有個保陣嘛。你地供緊樓咁要買返份人壽險。
如果仲有d鬆動，可以買返份儲蓄險做中長期投資，第時bb教育基金同埋自己退休用。