請問有無用家可以分享吓anfield 幼稚園同小學？
我係小學用家
優點：英式課程有系統，課程緊湊，師生比例低（全日最少兩個老師喺班房，有時有3個），師生關係良好，學校重視紀律，課堂秩序良好。
缺點：比其他國際學校chur，每日要寫8個生字（每個一次），weekend有功課（但比local係輕鬆好多），學校無廚房要訂大人餐，返學時間較長，校車貴上車時間早，無中學（但大部分畢業生可考到其他IS中學）
2個讚
幼稚園用家
好到不得了，小班教學，老師校長職員全部勁有愛心，教得好好，小朋友教得有紀律，好乖。學校又重視同家長溝通。普通話堂老師好好，小朋友對學中文好有興趣。連d姨姨都特別好人，課室玩具特別乾淨，前年爆流感，好多幼稚園停課，但anfield 一日都冇停，因為地方乾淨衛生，冇流感。
可以話冇缺點，唯一係小朋友校外活動較多（每個月起碼一次），去下附近公園野餐，去超市參觀之類，家長參與度較高，但係開心架，不過唔得閒都有人叫工人陪去。
2個讚
請問你的小朋友係咪都係anfield 幼稚園考上去？唔知道anfield 幼稚園容唔容易考返上自己小學
聽你咁講就放心晒喇
，小朋友黎緊會讀九龍塘既K1。 interview 的時候已經覺得老師同校長非常親切，我都好鍾意學校多活動帶小朋友出去玩，聽你講完更加期待，希望小朋友會鍾意返學。
我小朋友唔係Anfield幼稚園，呢間小學唔難考的。除非行為超有問題（interview嗰日聽人講嘅，佢話幼稚園老師會俾機會改善，改善到就升到小學）