大女4歲，由bb起已經唔鍾意瞓又難入睡（但叫佢起身又話好眼瞓，唔夠瞓時又會發癲）
依家唔使返學又無街去無得放電，每次踢佢去瞓都係喊打喊殺咁，好累
如果唔午睡可以嗎？佢地要一日瞓幾多個鐘先夠？（最弊係仲有個妹，佢唔瞓就會嘈住妹妹瞓）
1個讚
我諗午睡係睇有冇需要，唔洗強迫卦。我女3歲開始就唔係成日瞓晏覺，未夠4歲就戒左。因為唔瞓晏覺，佢夜晚仲早左瞓添。一日大約瞓八至九個鐘，通常都自然醒。
唔需要迫 佢想瞓就瞓 唔瞓就由佢
夜晚早啲瞓就得
2個讚
我女3歲已經唔要午睡，試過迫佢瞓，但變左夜晚唔肯瞓。
我哥仔細時訓到k3,但個女而家k2已經唔訓，夜晚就好早訓
唉，就係早瞓唔到我先要踢佢午睡
就算唔午睡，佢都可以9：30am直踩到11pm先瞓
佢唔午睡，就搞住個妹，頭都大，唉
唔一定個個小朋友都需要午睡，有啲讀 PN 都已經唔需要午睡。佢踩到落去夜晚然後訓，如果第二日下午時間都冇“中眼訓”，咁就即係嗰晚睡眠已經充足。宜家唔洗返學，正好就係要黎實驗下佢幾多個鐘先精神，大概幾點開始眼訓。
屋企冇地方放電？開運動操 video 跟住左，出一身汗，應該好訓啲。識人小朋友跟 coffee 片做運動。
起身嗰陣覺得眼訓唔出奇，未訓醒，訓醒之後十分鐘就清醒。有機會係佢 REM 緊，你一下子叫醒佢，未能夠清醒所以話眼訓，但唔代表佢嗰一日會冇精力。唔夠訓佢地真係會下奏明顯唔活躍。
我6歲女
呢排放假
間唔中都仲有午睡
我仔4歲要呀，如果唔訓，到下晝5-6點到就會好扭計痴左線咁
午睡對這個年齡小朋友很正常
就係咁呀
佢唔瞓呢，到夜晚食飯沖涼就會扭呢樣扭嗰樣，結果由晚飯開始鬧到佢入睡
但如果午睡左，夜晚就要碌一個鐘先瞓到
好難兩全其美
我大女全日班時，K3 都仲有午睡時間，聽講只有少部份同學堅持唔瞓，另有部分同學係扮瞓
如果屋企環境可以令佢夜晚早d瞓，就可以唔瞓晏覺。
我兩個女都係一上幼稚園就唔瞓晏覺，但8點前瞓覺。
大女3歲時7點半前已經瞓著。
我個女當年到K3都仲瞓到2~3個鐘，就算而家已好大，一樣瞓到一陣，仲要唔願起身。
個仔幼稚園就一定要瞓一陣，唔係到食飯一定食食下瞓著。怕佢夜晚瞓唔著，一係就2/3pm瞓45min左右。佢地應該叉夠電嘅。
我女四歲無午睡啦，就算想nap我都會阻止，因為nap左夜晚就9:00落床10點後先瞓著，我係床度陪睡陪得好辛苦，而無nap就7:30落床，8:00左右瞓著，之後就系媽媽時間…好開心
1個讚