本身有個小朋友
老公以前覺得一生就要生2個
但近排覺得一個就夠
想專心湊好一個
覺得我地無咁多時間湊2個
又唔想分薄對現有小朋友既野(主要concern mentally)
(兩公婆要返工,日間工人湊,經濟ok,老公會幫手)
雖然佢prefer 1個,但有多個佢都會接受
我耐性少,湊1個都成日要忍住脾氣
本身唔鍾意小朋友,絕非母愛泛濫型
但我同老公都好愛/好錫自己個小朋友
現有小朋友超活躍,湊到好累
我覺得我自私地心底裡都係想淨係生一個
咁我地就仲有自己既人生,舒服好多
但有時又好怕將來後悔/想小朋友有同伴下長大
搞到我遲遲唔想落決定放棄
不過小朋友有10+cousins,at least每星期見2次
生完第1胎之後有d婦科問題,如果真係要第2胎應該要睇醫生先有到
但有時見到人有左,都會有d羨慕
個個都問幾時生多個好似生2個先係主流咁
但我就仲5050
我係生左2胎，2個有伴真係開心好多
但人係自私
如果可以比我再揀 我會揀生1個就夠
2個無可能做到唔偏心
大既覺得我錫細既多過佢嘅
細既仲好細個 會痴實我
又要返工 我真係唔知點分配時間佢陪佢地
大既要陪做功課陪讀書
細既要陪玩
雖然老公會幫手，但兩個都想要媽媽陪時可以點
我都有兄弟姊妹
細個都成日覺得父母偏心而唔開心
我都唔可以肯定到自己係咪可以100%唔偏心
成日都覺得大部分人都係扮唔偏心
心底裡實會偏心一個
我同老公都係好怕分薄對小朋友既時間
我生兩個，本來都係希望有伴。但兩個成日打架，大既好唔開心，唔想留係屋企，有反效果。
呢個都係我擔心之一
我勁怕煩/嘈
見到身邊人有2個,日日爭/打交/吵架
真係見一陣都頭痛
如果日日家嘈屋閉
我都會唔想返屋企…
我生左兩個，完全無後悔，大嘅同細嘅爭4年半，大嘅好錫個細嘅，見佢地兩個互動好開心。不過我隔左咁耐係因為我都經歷過幾輪考慮同爭扎，湊一個係輕鬆好多，尤其雙職父母，但因為我小朋友無表兄弟姊妹，我怕我地將來離開左呢個世界佢就無哂親人，所以先決定再生，否則都可能覺得一個就夠哂。
我兩姊弟就係成日爭
好頭痛
我老公話有因為有成10幾個cousins(好close的),佢唔覺得佢會悶
佢話如果無cousins,佢會覺得要生多個
其實有咁多cousin 又成日見又真係唔會點悶既
其實兄弟姊妹唔一定會fd 到
小朋友幾大 有冇問過佢意見？
同2 個小朋友係一定會成日打交嘈到den
要有心理準備
冇嘢係主流，只需要諗自己攪唔攪得掂
諗住多個弟妹陪大果個，只係父母嘅個人意願
其實都係，同埋兄弟姊妹都講緣份，我自己都有兄弟姊妹，都有啲係感情好啲有啲就疏離啲咁
小朋友歲幾咋
我就係驚
平時聽到人地d小朋友嘈已經覺得好煩
其實一個小朋友，最怕係佢成長路上無人陪
但咁多cousin一齊玩就已經解決左呢個問題
唔生都可以
我自己想生多個都係因為小朋友無cousin
想佢成長路上有伴
現時香港政治環境，唔會再生。
我嘅故事：
兩公婆都唔係特別鍾意細路，開頭講到明：一係唔生，生就兩個 (我地兩邊都係兩兄弟姐妹)
大出世前，我開始有高血壓問題，有日 (37+) 個人好暈，提早入院等開刀，入院時血壓係220/120！
出世後，半年俾婆婆湊，我有足夠時間休息，仲睇好多教仔書，上埋蒙特梭利家長班，個大嘅對文字好敏感，好鍾意玩蒙特梭利教具，好鍾意學習，好靚仔，但脾氣唔好！
我地响大仔兩歲時決定生多個，婆婆極力反對，因為怕我身體頂唔住
我用好多心機去平衡就嚟做哥哥嘅大仔，包括幫弟弟送生日禮物俾哥哥！ (哥哥生日無幾耐弟弟就出世)
我承認，我冷落咗老二，時間都放响哥哥身上，而我兩公婆都算忙，唔係老公讀書就係我，結果老二慢慢大，就變成哥哥嘅玩伴，最特別係哥哥屬highly gifted, 成日話弟弟蠢，但其實佢d朋友/同學都係"蠢"，屋企變咗佢實驗社交技巧嘅地方，佢要學習點同普通人相處
我可以講，今時今日哥哥需要弟弟，比弟弟需要哥哥多！
但，弟弟唔係哥哥嘅附屬品，佢係獨立個體，佢帶俾我地一家好多歡樂，特別係當俾哥哥激到cc下時，見到弟弟嘅笑面，個心甜哂！
我無後悔生多個，你可以話我自私，哥哥要走好遠嘅路，佢嘅性格似係會留响大學做研究嘅人，老二好可能就係陪住我地兩老嘅人。
至於生兩個嘅好處，我覺得個大係絕對受惠嘅！多個伴長大喎~ 起碼有人俾佢指，有人陪佢作反！哈哈~
係囉，我又唔覺得兄弟姐妹不可或缺
好在大家都冇乜蘇州屎比對方
就憑你最後一句「羡慕」，我估你心係想要多點。
而且，如果第一胎後有d問題，要第二個，都唔係話易架。試下先啦。祝福你地。
唔洗理其他人講咩架，生出泥又唔係佢地養，人地講生幾多個都得架！最緊要係你同你老公點諗，一個都有好處，可以集中資源，重點培育。手足情好難講，有緣就係手足，冇緣可以係仇人。
利申：我有兩個，雖然成日打架，生活非常開心。