我黎m不嬲都唔準，細個既時候係四季經，之後睇中醫大概個幾月黎一次。上次黎m已經係兩個幾月既事，驗左幾次都無中好失望
想請教下大家有無經驗可以分享下俾我
加油啊，還記得我第一胎時都係check 咗2個幾月，浪費咗唔少支驗孕棒，果次last M 去到足足有3個月才驗到有BB, 然後去照埋陰超才5~6週
每次驗完都無真係好忐忑
又無黎m計唔到日子。
咁有你有無試過用排卵紙？
我都係2-3 個月先黎一次M
未結婚都睇過醫生，驗血報告d指數又正常，個醫生建議食避孕藥調經，因為我藥d副作用所以冇食。
結婚冇耐，冇計劃冇設防，三年抱兩。
冇M到，又唔代表冇排卵
1個讚
我都唔準，有次成個月冇m，但有拉絲分泌，咁啱睇中醫，話見到呢d分泌就可以dodo，我隔日do，就中左。
唔係~
我好唔準, 15日黎1次, 2-3個月黎1次, 都有.
有時仲會一黎黎10幾日…
但我有2個小朋友
1個讚
我都係啊，好飄忽，有時個半兩個月黎一次，有時四個月，但細個果時明明好準嘅
去婦科check過兩次，一次話有多囊卵巢，一次話無…
不過自己唔太擔心，因為都好普遍，而且好多呢d case都成功懷孕 
反而比較擔心係經期唔準會間中爛面。
重點都係心情呀，如果你成曰諗住呢樣野，覺得自己會難中，咁樣會更加難有架。
雙方有無去做過檢查？
不過就算我朋友月月準都努力左好耐都唔中，又有忌人努力幾年先有，一擊即中又有，所以話唔埋嘅，其實最緊要係放鬆心情先會大機會D。
最好試吓Check排卵同體溫先，你要check到差不多排卵之前再去婦科照超聲波，正常排卵前，卵巢會有幾粒卵子變大，最後得一粒卵子成功出黎去到子宮，如果冇排卵根本好難有BB。
我果時好唔準，排左瑪麗，跟住佢比左排卵藥我，唔記得食左一期定兩期就中左。
雖然機率可能低D,老土d講真係緣份嚟，我夠個個月嚟m準咪又係難有，諗住唔試就先有咗，所以鍾意就做啦
身體荷爾蒙會話你知
我係每個月都好準時但因為細個減肥減壞身體, 每次得1-2日勁少量…
結婚前都不設防, 5/6年黎都諗住順其自然.無咩特別去調理 諗住自己量少都好難有
上年突然中咗奬, 琴日啱啱過咗預產期仲響度等緊bb出世.
平常心d 真係其他人話齋 緣份黎佢就會黎嫁喇 
1個讚
你可以去搵醫生睇吓荷爾蒙分泌正唔正常，又可以照超聲波睇卵巢幾時排卵。用LH試紙平啲，有好多方法！加油
我都係相似情況。後生時已經係四季經，結婚5年一直冇避孕都冇中過，試過睇中醫調理都唔得。最後去睇西醫，食咗兩個月排卵藥就bingo左了。
我從來m 到都唔準
有時30日，有時35日，有時40日咁樣
但係一次唔戴套就中咗
嗰排仲要工作上有d project 跟緊
成日夜訓+睡眠不足
有d 嘢真係整定
我都想咁易 
雖然只係試咗一個月，但感覺好難中咁，因為我同您一樣，都好唔準。短則28日嚟，長則46日先嚟…就算Apps預計咗排卵期，但其實都唔準…
聽講 越耐黎一次M / 四季經既話, 有多囊既可能性好大
如果大家想知自己有無排卵, 可以用排卵試紙 + 量基礎體溫 
不如用排卵紙睇吓幾時排卵，咁會比較容易一擊即中～ 唔洗試得咁辛苦，加油！
我啲M都唔準，25-45日不等，次次都好random…中醫教我發現自己有好多拉絲分泌既時候同老公行埋，我用呢個方法三年抱兩，不過兩個都係仔。
1個讚
我由細到大都M唔準，亂到不得了，後尾食左半年中藥調理，加上無刻意生b壓力下就有左。聽好多人講話愈緊張想有bb就愈無，順其自然養好身體先
唔準唔緊要，有就得啦
祝孕氣話嚟就嚟