大家分享下學日文背景，心得，應用，文法討論，或者關於日文嘅所有話題
我自己學左5年日文，考左N2。初初係無聊諗住搵啲嘢學下，揀左學日文。慢慢學多左日文之後，開始鍾意日本文化，成日睇日劇同日本綜藝節目，當然都好鍾意去日本旅行同shopping。
現時N1自修中，希望12月公開試可以1次pass。
5個讚
，我啱啱先開始自學，不過我ftm所以仲停留喺記五十音階段
寫日文對我嚟講都幾難，寫到好似鬼畫符咁，有啲樣仲好相近。
我好中意日本文化，從中意食日本嘢到佢哋嘅神宮建築&日本文學，去完日本就更加中意當地風土人情，學日文都係為咗以後去日本旅遊可以用日文溝通～睇得明日文，之前去太宰治文學館見到手稿但睇唔明覺得好sad…
不過要睇得明日文書應該都要好似你學夠5年？
之前斷斷續續學過幾年，考咗個3級試，而家好多都唔記得哂
咁又唔洗咁耐嘅，學一兩年已經識睇好多日文，因為日文入面好多漢字，大概意思都會明白。
我都停左1年冇左去上堂，好多文法都唔記得晒
又成1年冇去過日本旅行，連講嘅機會都冇。
我都係啱啱開始學自學緊 ,睇下youtube啲教文法嘅片,再自己睇多啲日劇, 背下單字咁, 考試應該未必得但係聽人講嘢應該都可以聽到幾粒單詞點解 估下上文下理
中意日本好耐，上個月開始自學，
背到平假50音，開始掌握到日文輸入法。
用圖書館ebook睇書，學緊自動/他動詞，好複雜難明。
諗緊讀唔讀中大日語～
依家見到包裝有日文，都會睇下自己理解到幾多。
我入日本吉野家網頁睇人哋個menu，仲會讀出聲，目標下次可以用日文叫牛丼飯，唔洗this this and this please~
日文嘅「this」係 「これ」(kore)
「and」 係「と」(to)
拜托人做事，可以講「お願いします」(onegaishimasu)
剛開始學日文時，老師話只要學識呢幾句，就識得叫嘢食。指住餐牌，或者食物，講「これとこれ、お願いします」，同「this and this please」係一樣意思嫁，到而家我都會咁講
學緊日文嘅加油~~ N年前考咗N1… 不過好多野都還返比老師LA~
有聽開講開還好嘅 ^^
有問題我可以幫手答架~~ 當自己温書都好^^
2個讚
睇SKII廣告學識～睇書仲知あれ、それ、どれ。
感覺好開心，但又好似好難明一句咁。
但完全冇信心講，怕自己發錯音。
另外，等火車成日聽到まもなく，好想知點解，依家知道點解了～
我要加油～
日本人唔會介意外國人講日文發音錯，因為好多日本人都唔識其他語言，佢哋寧願你講得半桶水嘅日文，都好過要佢哋講英文。
近年佢哋英文進步咗，係口音我聽唔明。
我試過係7-11同職員講兩句，佢會教返我發音，好好人～
宜家自學緊 剛背好哂50音
想問各位有無自學網站/youtube channel 推介?
自己買本 <<大家的日本語>> 有無幫助?
10幾年前喺日本公司做，考到2級，之後轉咗工就無再讀。而家都想pick up返。
1個讚
我十幾歲時好鐘意日本文化，斷斷續續學左一段時間，之後要考大學荒廢左，但之後都有睇下日劇同日本雜誌咁，見到片假名又估下佢地既英文，好有趣！當年一齊鐘意日本文化既朋友大部分考左N1，有啲仲去左日本落地生根，將來退休都想考返個N1，當圓左個心願
N年前在日本語講座學到普三，冇再讀研究班！
當年能力試還是四級制！雖然停咗好多年，但我本身好多日本朋友，同埋一年起碼去日本十次（今年冇啦），所以會話都ok嘅，文法就好多都唔記得同埋應該都好錯吓
不過佢哋明咪得囉！
我都一年會去幾次日本，而且已經買左12月飛東京，下年3月飛大阪，希望到時去得成
我本來今晚都係日本睇緊concert
，由二月尾六月初，已經cancel咗三個日本trip,睇怕之後果d Trip都係陸續等cancel flight
1個讚
網站：速讀日本語
免費，文法好齊，有晒中文解釋
不過淨係睇文法會悶死，平時都係有文法唔識先去查下。
好多學校課程都係用「みんなの日本語」呢本教科書，初學應該冇問題，有唔明可以黎呢度問吓
3個讚