計埋拳館因限聚令而關閉段時間，學左泰拳半年，最近拳館開番，一上堂就淨係同幾個師姐同堂，見到佢地我都估到今堂會操得好金
教練叫我慢慢黎，但作為一個男人，我嘗試跟上佢地嘅體能，結果操到眼花跪左係度，超樣衰，而佢地繼續左好耐
班師姐d體能真係唔講得笑，下次都唔知點面對佢地…女生點睇，會唔會覺得好好笑？
都冇乜野呀
個個人體能都唔同呀嘛
其實真係要睇下佢地學左幾耐, 我自己學左四年, 未學之前係零運動, 日子有功, 有時我都真係會比起啲男學員勁, 例如初學時聽到要操體能做50下situp已經想死, 宜家可以連續做150下, 所以唔洗太介意, 我一直有個信念, 就係欣賞自己嘅進步
1個讚
多謝你呀
希望下次見到我唔好笑我
多謝你，但聽到你都係好勁體能嘅女仔，你會唔會係我啲師姐黎…？
講笑，我而家一組都係做到30幾下，距離150下真係爭好遠，我都好欣賞你嘅努力
我打咗6年泰拳，由零運動開始慢慢操，兩三個月體能已經好左好多，慢慢跟得晒所有嘢。我覺得最緊要係自己盡全力去打，同埋要挑戰自己嘅耐力。自己盡咗力就得，唔洗理人點睇你啦。
我都以為自己體能好到跟到訓練，點知一見到身邊d人全部都咁勁，自己個節奏就亂曬，其實尋晚都只係老虎跳個頻率高左少少就眼花
訓醒一覺，冷靜落黎冇咁崩潰啦，其實自己練得半年根本冇得同班師姐比都好正常姐
你又講得啱，自問盡左力，下次會專注番自己，多謝你呀
btw, 每個人強項都唔同, 我situp做得到, 平板都比某啲男學員好, 但波比跳呢類就真係好差,
連續做150下???very strong core
體能真係一分努力，一分收成
肯付出，就有進步
加油加油
都無野，咁做開運動無論男女都一定體能好d架喇～ 我都有男仔朋友體能好差好差，慢慢操喇～加油
我同事都有學泰拳，佢好似係好秘密咁好少提。