打算去荃灣港安順產，因為近老公公司，又近屋企
加上自己都係呢間醫院出世
想問荃灣港安ok嗎？
大囝18年年尾喺荃灣港安出世。
新裝修完，設施好新，環境靜。
太太順產，穿水入院見完姑娘辦埋入院手續後就直入分娩室，到差唔多開夠度數。護士同醫生就會將分娩室變成產房，唔洗再轉房。
建議住雙人房或更好等級的房，因為只有雙人房或更好等級的房先可以推BB入房喂奶，變相可以抱下同摸下BB。如果唔係就只可以隔住玻璃睇。另外BB房同喂奶房都喺13樓，三人房喺12樓，如果住三人房嘅媽媽想喂人奶或者想睇BB都要上一層樓。
仲有，醫院餐廳食齋的，味道還好。唔啱食可以自己叫其他外賣。
1個讚
好多謝你！仲以為冇咩人係荃灣港安生，會一直冇回覆添
我仲一直糾結緊3人定2人房，聽完你講，我決定到了！唔該哂！
1個讚
我在港安順產喔，生之前服務好好，生完就冇乜人理，不過都正常既，睇遇到邊個姑娘，大部分好好，係有一個差
咁希望我好運！
之前都諗過唔同醫院，有排大病、住過唔同私院，但就係未住過荃灣港安
多謝哂你既意見
正常應該冇大問題
我都諗緊港安生好無，但知道港安食素，我就放棄左考慮了，如果媽媽你接受到食素就ok啊，因為港安好多人都讚好舒服 護士好好
其實我本身好鍾意食嘢，但有咗之後，都冇乜幾餐係食得到野…入得落口又唔會反胃既都口淡淡，食野真係為左生存 
所以食物唔重要了，揀地點近方便d
而且如果去九龍果邊私院，奶奶實日日夜夜上黎，到時都有排煩
住過荃灣港安婦科, 不過唔係生bb… 但感覺好好, 姑娘好好人, 仲私底下介紹左個醫生比我, 之後解決左我原本嘅問題, 然後就順利懷孕. 所以我一直都心存感激
我都係18年尾生
醫生叫我揀3人房 因為會自動upgrade上2人房
唔知而家仲係咪咁 你可以問下
另外雖然2人房有得推bb入房
但如果第一胎都係建議入哺乳室餵
因為姑娘會教你點餵
果度啲姑娘好好
我呢胎都諗住去港安
佢間餐廳食素 不過其實你要自付伙食架
同埋一生完醫生都建議食下粥水
所以我頭1-2日都係食粥水
後來阿媽攞飯比我 有肉有菜
佢無限你自攜食物都要係素
同意。
真係唔洗太擔心飲食。
就算餐廳D野唔啱食/屋企人唔得閒煮俾你，宜家外賣Apps咁方便，隨時都叫到自己鐘意食嘅野。
睇尼大家都係中左三年抱兩的祝福 
我太太尼緊依一胎都係喺港安生 
純粹問吓：咁揀二人房，大唔大機會upgrade一人房？
我果陣就係俾雙人房錢，Free Upgrade做單人房。但唔知依家仲有冇得Free Upgrade
佢係入院當日先會同你講嗎？
我果陣入院當日先知，因為佢都要睇下有冇吉房安排到。
我本身都諗住俾三人房錢Free Upgrade到二人房，但入院當日話二人房Full左，冇得Upgrade，如果想Upgrade就要俾二人房錢，Free Upgrade到單人房
我太太現在16週，想請問幾時要book私家醫院？
上年荃灣港安開刀生。 環境同護士都好好。 由3人房 free upgrade 到2人房。住得好爽， 定時定候提你餵奶同食藥， 又有禮貌。
我住左5日， 頭幾日都好似食粥水，之後就叫出邊外賣。
19年尾我都係港安到生。都係由三人房free upgrade 上二人房。不過唔知會唔會同我由順產轉左開刀有關。