加油, 繼續努力
我以前都食左煙好多年，決定左養身生小朋友就轉食低d尼古丁既煙，結果因為覺得太難食就唔食咁就戒左… 問心我覺得食煙係心癮，你鐵定心腸戒就好似樓上所講，可能一個細病就會令到你戒左…
真係唔得既、不如試下好似我咁，轉隻難食既，難食到自己都想戒喇
1個讚
我大肚，立刻戒咗
吾好灰心，我都食咗10幾年煙都戒左，心癮真係好大，改變一下平時想食煙嘅習慣，以前我返工可以行出門口或者去廁所食煙，我不斷揾吓野做分散注意力，吾覺吾覺又一日，所以好快得加油
1個讚
發個毒誓，諗起知衰就戒到
我同你個情況一模一樣,個女宜家又係12歲~~~ 
1個讚
去唔去得戒煙中心？
媽媽係好偉大的
心癮都很重要
很多藥物和療法都只是舒緩
要決心同堅持
加油
即係之前嘅戒煙理由對你來講都唔係好大影響，樓上有人分享怕死、怕病、想靚、自尊心等等，呢啲都係重要食煙帶俾佢地嘅好處，所以佢哋戒到。
理由係每個人都唔同，擊中自己就好容易有決心。
食煙可以比到安全感、幸福你，你要用其他方法去搵返相同嘅感覺就可以取代食煙。
我自己係一個唔食煙嘅人，好清楚食煙嘅禍害唔單止肺癌，係全身上下所有血液經過嘅器官都會有影響，即係所有器官。
我亦好憎煙味，唔會同食煙嘅人做朋友，喺街行如果前面有人擔住支煙我會極速咁樣衝過佢，仲會大聲話好臭。
不過由細到大都會覺得擔住支煙未試過幾得意咁，好想知道食煙嘅感覺，類似反叛嘅心態。
但因為我嘅to do list入面有太多排喺佢前面嘅嘢，人生太豐富，好忙，所以咪唔得閒試食煙～
假設我俾人困左去一個籠入面，乜都冇得做，眼前有一包煙同打火機，咁我咪會去食囉。
根據你咁講，如果你唔會有悶、唔開心嘅時候，就唔洗食煙。
即係佢哋覺得死亡同埋病都唔係咁嚴重，呢刻嘅享受先係最重要。
做運動係操返黎，一日半日冇用