借我呻下可以嗎。。
戒過好多次，有時戒到半年，兩個月，一個月，幾日，但都係戒唔到完全唔食，用過戒煙貼，針灸，join過戒煙服務，用過好多理由去戒，有時買左包煙食幾支就成包掉左佢想自己唔好食，食個陣其實知臭，個人又會無乜精神，做運動又唔夠氣，壞處多多，但有時一唔開心/太悶就會忍唔住食，食開就難停，依家係食下停下食下停下，其實自己都覺得好煩好抆，但就衰係定力唔夠，我真係好無用，唉
想呻下，我真係好想甩左佢，仲可以用乜方法
我老豆六十年煙癮，一次肺癆就戒了
食香口膠
我老豆一次輕微中風，即刻戒得甩
1個讚
我爸爸食左幾十年煙，食到個肺生cancer，之後擴散去腦，佢走時個孫都未出世。
食煙就罰錢…一次100，兩次200，倍數增長
有多餘錢、多餘時間先會諗食煙…
好似樓上咁講，好多人大病一次先會醒…諗下你身邊既人
1個讚
你平均一個月食幾多包？
世伯西利喎
好多人有cancer都唔肯戒煙
2個讚
其實戒煙期間你唔覺得辛苦咩？遲早都要戒再食返咪再辛苦過？
點解會食嘅?我好記得自己小學四年級嗰陣健教科叫人唔好食煙，話對身體有害。我身邊會食嘅人都係上一輩，但平輩親戚同朋友都冇食，係一個都冇。
唔知點解，你令我想返起⋯⋯⋯
中學畢業後間唔中仍然會上一個舊同學屋企玩，有一次佢三家姐（响醫院度做）返外家同我哋傾計，
佢講早幾日有個後生仔响張病床度爆喊話以後都唔食煙⋯⋯原來呢個後生仔個肺有cancer ，當時我聽到真係不已為然。
後來夜欄人靜諗返起呢番說話都覺得嗰個後生仔當時真係好驚同好後侮，如果時光可以倒流，相信佢一定會戒煙。
其實戒煙、戒賭、戒毒⋯都係好睇你嘅決心同恆心，
不如你由今日開始試吓每日上嚟post 吓你有冇食煙，或會食咗幾多支煙呀。
1個讚
我自己的親身經歷：我有計算過，我總共食了 16 年煙，最少一日一包紅萬。
到 2010 年因外父肝癌入了瑪麗，當我去瑪麗腫瘤科探望完佢，見過那裏的病人，落樓之後我就戒了，到現在 2020 都未食過。
6個讚
決心問題
4個讚
你有無諗過身邊人？ 我個人係好憎人食煙，二手煙三手煙連累家人朋友，路人都累埋
有個阿伯食咗几十年煙，到差不多退休，佢老婆（非吸煙者）就有肺癌再擴散至腦癌，佢本人未有事
總之一句，吸煙自私
咁小事都做唔到，咁你仲有乜做到呀？
？
？
？
？
？
？
？
………
當年就係有人咁同我講，我都覺得係，最初玩cut down，一日三支，咁仲衰！咁有一日起身我掉曬佢，同自己講唔食啦，唔想再依賴佢，越食個人越多負能量。。嗰日開始就真係無食。
我唔係意志堅定嘅人，都仲有個原因，我貪靚。
3個讚
限制自己無日可以用嘅錢，
只係預算每日基本開支，
無多餘錢買煙，
唔買就無貨，
無貨就唔吸。
既然咁多人都做到
你都一樣可以做到
俾啲決心, 加油
有啲人食煙搞到心臟啲血管差晒
做過通波仔
都仲係戒唔到
唔好買咪無得食囉
朋友食時就走開唔好join
1個讚
唔開心時，試下做運動