停課學校轉用zoom上堂，好多家長都唔buy所以要退學，但係一同佢地講要一個月通知就即刻著火鬧人…
其實主任佢地都話追唔到就算，雜費退錢之類都盡量做，偏偏有部份家長就選擇用"發爛炸"去處理件事，每次要打電話比佢地都好驚。
有時比人鬧完之後遇到明白事理既家長真係會感動到想喊
4個讚
慘慘…
其實讀私幼應該已預左舊錢出黎，唔係疫情都要比架啦，有乜好鬧？
利申︰阿女讀緊私幼K3, 三月開始用ZOOM上堂，效果一定冇返學校咁好，但冇人退學。
我舊同學係衛生處聽熱線，由過年俾人鬧到依家.依家…佢都好無奈！
1個讚
有d人覺得鬧人就人地怕左佢，自己可以拎d著數
3個讚
有幾個家長話我地上唔足3個鐘，想出律師信添呀！
我地讀K既就好少退學，N班就退得犀利
做前線聽電話既真係受晒所有氣
3個鐘包玩、食TEA同去廁所喎XDD你地有冇收茶點錢先？
小朋友現場對住黎教，又安排有遊樂時間，3個鐘當然OK啦。但坐響度zoom…咁細個點集中精神坐咁耐？眼唔傷架咩？學校安排到我都唔會比個女咁坐法啦XDD 果幾個家長搵黎講ja wor XDDDD
講到尾係比左錢攞少左嘢個心唔舒服。
2個讚
其實堅慘，我成日覺得將心俾己，發難都無用，尤其都唔關聽電話嗰個事。。。
1個讚
著數就真係無喇，係有時主任怕左佢會叫我地處理左佢d野先
邊有得咁計㗎
調返轉用Zoom上足三個鐘又會有家長嘈咖啦
茶點我地退錢/9月補返比佢。其實都好難滿足晒每個家長，有d覺得要上足3個鐘，有d就覺得半個鐘都太多。
我替幼稚園覺得慘。俾人過河拆橋咁，停課大家都唔想，老師職員都要開飯，宜家學校都諗辦法去提供最好服務。
啲家長又唔諗下學校老師當正你個小朋友係親生仔咁教，冇功都有勞，宜家一腳伸開老師真係好衰。當日入讀就已經預左俾全學費，只係分期付款。
2個讚
唉…其實讀得私幼就唔好咁小家啦…一來舊錢本身預左，而且冇得親身教，老師們分分鐘響背後要花更多時間準備教材。
老師教職員都要出足十二個月糧，依家又唔係白袋學費冇嘢比返你…能夠支援到，咪互相支援下囉香港人。
唔想比…咪退學囉，d教職員之前都仲教緊個小朋友架…何必要鬧人咁mean呢…
1個讚
一個月通知係一早講明，咁都有得鬧
我自己係私幼家長，但我會體恤學校、校長、老師…其實佢哋因為疫情問題，已經好辛苦
2個讚
明白你，有d「高尚家長」係特別「潑婦」，當刻真係好影響自己心情，但都仲有明白事理既家長既，加油
1個讚
因為如果吵鬧發癲就會退到錢的話, 我都會吵鬧, 又唔洗錢
所以妥協只會助長更多人吵鬧發癲
1個月NOTICE都好合理, 咁都要鬧?! 有D幼稚園要3個月通知先可退學
我覺得佢地都係忟憎搵人發洩嘅多
好多人都係咁
加上平時可以風華絕代，依家就要自己食晒仔女啲曳嘢
所以唔忿氣
唔好放喺心上
佢發脾氣你拎開個電話，重複啲錄音機式嘅答案
最緊要你老細話條數唔重要
最怕係老細又唔肯回水係咁要你擋就奶嘢