話說我喺一間小學做職員,校長講明紅白二事全年最多可以請兩日假,但我細妹十月喺北海道結婚,我最少都要請兩日.平時攞假已經緒多挑剔. 我去考車都要逐個鐘請假…
我諗緊到底如實請晒兩日,定係一日攞紅事,一日攞病假.
有冇做小學的人可以分享吓攞假經驗?
你係老師? 一般學校文職都唔會咁嚴架喎, 我見過有人請假去旅行.
扣自己大假得唔得？
1個讚
我唔係老師,只係職員…
大假淨係可以暑假放,無得自己揀
你一日紅事
一日病假
老細會覺得你好玩嘢
如果老細有得商量嘅
攞盡兩日紅假啦
1個讚
唔單只小學啦，幼稚園文職都係咁，好難請假
你個位係常設位定合約位?
你一日紅假一日病假，校長咁算死草，實覺得你玩嘢（當然如果你係覆診嗰d，有覆診紙，佢吹你唔漲嘅，但覆診都最多係一晝咋喎），一陣佢叫你俾證明，你點搞
當然如果你係常設位，呢樣佢未必可以郁到你，但如果你係contract位，又唔係想走，你真係要諗清楚
合約咋. 咁我地平時相處都好好嘅,但攞假頭痕啲
因為我以前唔係做小學,攞假好方便,依家真係好唔慣
係架，做學校係困身架
咁你早少少同校長商量吓，同埋俾佢見到你有plan吓你D工作會點安排，我諗都有得傾既
真係一間間學校嘅問題，有啲就冇所謂，有啲就請半日都話唔得…
我曾經做過一間有個文職同事收到醫院電話話媽媽入咗醫要簽紙做手術請半晝假，結果個校長唔俾仲要話個同事媽媽未死得請咩假…
但亦都遇過好好嘅校長，有另一位同事嘅屋企人走失咗收到尋獲電話，校長俾埋的士錢個同事去接翻屋企人。
遇著唔好嘅老細而你又需要兩日假嘅話
“盡早籌備”，但記得要交戲喇
你的意思係SL?
我見到有啲話紅事係得自己結婚先有,家人結婚無…
紅事係要自己，家人結婚唔計㗎
SL係冇辦法之中既辦法
病假又查到你不在港紀錄咪好麻煩！
老細最後可能會迫你請無薪假
其實無薪都唔緊要啦,最緊要佢俾
呀… 睇漏咗樓主要出國添
咁唔可以SL喇
你係10咩時間？ 10月頭尾都有假期~
7月左右可以向相熟書記或主任八卦下年度校曆表先，咁啱遇正教師發展日或學生假期就煩少樣嘛
唔會啦,我就係痴住國慶假前嗰兩日…學校唔會喺呢啲時間有假.我諗都係直接申請無薪假,等佢唔好阿支阿咗
2個讚