代我一對新婚朋友問，佢地小朋友準備讀小學
咁啱間小學係果區都算係功課多
時不時聽到有D小朋友會因為功課多而有情緒病
但唔洗佢做功課又怕跟唔上進度
身為家長應如何自處，應該點做？
有朋友就話一定會向老師問責，叫小朋友唔好做，只做自己做到既分量（不過佢冇小朋友，只係做開教育行業）
大家會點做？
去轉校，搵間小功課的
1個讚
同意
千萬不要，有啲教師好變態會喺學校罰佢小息及午餐後自己一個去教員室做，害左小朋友架咋
1個讚
最好轉校， 始終喺學校老師權力好大， 投訴完分分鐘搵返你個仔女出氣
3個讚
不過都要先了解小朋友嚟願做功課嘅真正原因
功課量係咪過多？
功課難度適唔適合小朋友？
小朋友有冇因為唔鍾意某科目或某老師而抗拒做功課？
向校方反映後得唔得到跟進、改善或提供相關支援？
要搵出問題根源先知下一步要點做~
搵出根源
- 自己有冇了解過間學校？佢本身係多測考多功課但因為貪佢升中靚仔所以讀佢？
- 係咪真係咁多功課？定係小朋友做得慢？
2.1 小朋友唔識做，跟唔上？
2.2 小朋友有學習障礙 (讀寫、專注力失調、弱視)，所以效率低？
2.3 小朋友自律差、心野、唔識管理時間？
2.4 小朋友抗拒個別科目老師所以唔願意做？ - 個別老師俾嘅功課唔多但係煩？
我見咁多多人認為谷同唔谷嘅官津直私，除非學習障礙而學校唔允許個別同學功課測考減量，否則好少真係功課多到做唔曬，最常見都係測考溫習範圍大，而小朋友吸收慢/心散，所以需要額外花更多時間。
咁通常有以上情況都係啲熱門學校，但熱門學校一定係你想讀先讀到，唔係隨便派，即係家長有諗過先揀佢。每區都一定有功課少嘅學校，問題係你讀唔讀/願唔願意犧牲升中。家長如果知道自己雙職又冇能力冇心情跟學業/唔請導師跟學業，咁一開始應該剔除呢啲學校。搞到讀到一坨爛泥先轉校就唔好，一來傷害已經造成，二來小朋友就算係讀得差都未必願意/適合轉。
我唔認同做唔曬唔好做，一來功課係責任，就算份量幾多都必須要完成唔會因為你做唔曬而消失。咁樣即係教小朋友逃避。
5個讚
我都唔認同呢個做法，咁樣幫唔到個小朋友，反而令小朋友覺得投訴就有用。
如果小朋友真係做唔晒，好似樓上咁講，一定要搵到咩原因，真心，小朋友如果得二線小學資質，夾硬谷佢上一線，一來跟唔上，二來打擊自信，做唔晒功課係正常結果。
如果係因為心散，咁都要搵補習老師或者其他方法幫佢。
我始終覺得，搵小學，係搵岩小朋友嘅學校，而唔係盲目追求熱門。
以前反而係我讀小學時，老媽子投訴某老師用體罰學生（包括我）
之後個仆街老師果一年都我勁好，好到好似好驚我咁
但唔知係咪適用起每一件師生投訴
1個讚
如果個小朋友本身智力or專注力係冇問題
對功課態度都唔會話惡劣
應唔應該即刻轉小學？
會唔會怕轉學會另外產生其他問題？
都係嗰句，好少小學真係多功課到做唔曬，但如果覺得應付得吃力，咁就諗下會唔會係自己太高要求，往後測考要求 70、80 分就收貨。
轉小學都唔係話你想轉就轉到，尤其係比較有返少少名氣同校風。有啲小朋友好抗拒轉校，所以要同學校老師、社工傾下先再決定。
我諗幾方面啦
- 心態/作息調整: 星期一至四要排開其他事情(eg興趣班)/出街食飯都可能未必得, 如果仲要午睡可能都要減時, 同小朋友建立盡快做, 快手做功課嘅習慣;
- 小一家長要跟貼d, 如果d功課可以過幾日交就遲d先做,
- 係功課多定唔識做, 唔識做係因為深定上堂唔留心;
- 一定要幫佢睇功課, 因為好多時d功課係"改正", 唔駛改正你已經做少幾份
- 家長whatsapp 可以探下口風係咪人人都覺得多功課/定只係自己果個覺得多;
- 加入pta, 直接同學校反映