女仔比較少去到 “hyper” 嗰個程度，遊魂、多嘴、做野心散疏漏就常見啲。
但呢幾樣對傳統學校都係死穴，家長日老師滔滔不絕係咁投訴，如果係追求成績嘅學校或者係成績徘徊 7 字嗰啲位，老師可能就俾更多投訴。
我想問吓，我仔4歲幾，成日都周身郁停唔到個人，成日會無啦啦突然亂fing手腳
食飯好慢好唔專心，成日食食吓做其他嘢，掛住講嘢，望其他人咁，有時我坐係側邊提佢，不飯，咬，吞，個口冇飯，下一啖咁
仲有佢脾氣有時好差，一吓就爆，係咁講嘢，控制唔到自己，諗到咩都要即刻講，有時我哋大人傾緊計，佢係都要我哋即刻聽佢講，已經教咗佢好多次
佢學校老師又話佢好好，食飯又快，好乖，冇咩脾氣，上堂坐得好好，但係唔專心，老師話問佢問題又識答，成班小朋友唱歌跳舞，佢又唔肯參與，老師話叫小朋友出嚟，例如做吓實驗，摸吓嘢，佢又好似冇興趣咁，冇咩好奇心
咁有冇機會係adhd？
佢似蝦媽媽多啲
似係蝦屋企多啲？即係你地可能冇訂立明確家規，佢摸唔到你條線，就不斷試。“大人講野小朋友插嘴” 呢個都常見，佢係想同你互動，但你同佢互動唔夠，或者係俾個 “signal” 唔清晰。例如，每次佢想插嘴嗰陣，你會直接講 “唔好插嘴”，定係講 “等等，我同 XX 講完先” 然後先再邀請佢講野？
同我上面講嘅一樣，有冇坐係座位到，隻腳“唔知點好所以會蹲坐、撩腳趾等等”，擺小物件入自己個口咬，睇書、睇片嗰陣隻眼係好專注但四肢移動？
睇多一兩年先，5 歲呢個位你要準備幫佢銜接一下小一學術，坐係佢身邊教嘅話，你就感覺得明確啲。
通常第一次就會慢慢同佢講，“等等，我同 XX 講完先” 類似咁，但我都講唔夠一句佢就再插嘴，同埋佢好似成日叫極都聽唔到人同佢講嘢咁
呢啲佢都有，佢有時會咬衫、公仔，同埋成日踢櫈，我有時話佢，佢有時就會話「係喎，我又唔記得添」
希望佢唔係啦，但身邊啲人成日叫我同佢check下，搞到好擔心 
https://www.facebook.com/onyourpsy/posts/4203068379710159
呢個女仔有ADHD, 佢搵到自己善長同唔善長做的事, 只做善長的，最後考到東京大學.
同埋佢有研究最適合自己的家居布置
可以由5分鐘開始睇
1個讚