想問各位我個仔係健康院排緊智力評估，排到下年9月。因為佢語言發展遲緩同埋有固執行為，而家打算約兩個月後阿仔夠2歲半去扶康會做評估，有咩意見？
生活係多語家庭嘅小朋友會遲啲先識講嘢。
係咪屋企有人講粵/英/鄉下話?
(二手資訊，我唔係依方面嘅專家)
評估要盡快做，然係再對症下藥做密集訓練追返進度
香港做智力評估以粵語進行，但評估要用母語進行先準確，如果小朋友母語唔係粵語，一定要預先同醫生/治療師講。
排政府隊排到天荒地老，如果經濟能力負擔得起，去私家做啦
1個讚
小朋友去過何定邦醫生到做評估，但當然係六歲，唔清楚年紀太小適唔適合做評估，可能打電話去問下。
智力評估2歲應該無得做
要6歲左右先做
健康院嗰個會否是發展評估?
我仔2歲4個月喺協康做評估，3歲多喺cac做評估
當時問佢做ADHD同智力評估，心理學家話6歲升小前先做得到
正確，因為有份詳細問卷要小朋友上小一，有一定程度認字能力先測試得到，仲會要寫字讀字。
1個讚
有冇話幾錢？
協康會嗰時做嗰份發展評估5800
智力評估未做，因我係排政府精神科，評估免費，應該每年大約9月左右做評估，我都等緊份問卷
排政府隊一般都係升小一後透過學校EP轉介，有部份係家長向校方提出想做評估；另一部份係小一及早適別抽出嚟，但主要做讀寫障礙。ASD或AD/HD嘅小朋友出現異常表現而，又得到學校關注，EP亦會先為小朋友做初步評估後再轉介兒童精神科。通常最少排隊9個月或以上…
我有小小建議
我仔見精神科醫生嗰時，我有同佢講話我觀察到我仔有ADHD問題，講咗啲我觀察到嘅徵狀
咁醫生就話ADHD大約6歲才能評估確診，要我們再觀察留意住
到幾個月後我仔去兒科覆診，醫生喺電腦睇病歷，問我老公我仔係咪有ADHD
我老公好驚訝點解醫生會咁講，原來當時精神科醫生已將ADHD輸入咗去我仔病歷度（但我仔未評估和未確診，可能醫生係想將我嘅觀察輸入電腦做record）
所以大家真的要小心考慮要唔要咁早把自己擔心的情況告訴醫生，可能仲未可以確診到或評估到，個問題已跟住個小朋友
我大仔6歲都有去過…都係因為語言能力去測試…
可以負擔費用嘅話，盡快評估好啲，如果真係有唔妥，起碼都可以盡快排政府服務，check左又冇壞嘅!
下年咁耐？及時治療好重要喎
建議出去私家做。
快手搵私家睇睇先, 真係早D 做好D
媽媽，
你有無其他嘢擔心先？
如果有能力咁去私家可以快啲有報告，
可以早啲有訓練係好事，
但如果你係諗住用私家報告去排AC嘅服務，
咁等嘅時間會短啲，
但係為咗上小學同中學鋪路，
因為資源最豐富係學前嘅sen學生
越大個資源就越薄，
好多時都要靠家長
加油呀，
sen嘅育兒路好漫長，
同係好難行，
要忍受好多俗世人嘅眼光，
自己要好strong，
因為好多時最唔明，
亦最接受唔到小朋友係有特別需要嘅係自己最親嘅人，
加油
我都係扶康會做評估 早一年有e位服務 ,5000費用其實真係平好多囉
有. 做左萬幾蚊.
見左兩個心理醫生, 分兩part做