是咁的，我見網上面啲產品平啲，唔知大家有無比較安全又平啲嘅網店推介？
（例如我想買定啲紙尿片）
或者有咩一定唔好喺網店買。
利申：準爸爸，但最近無薪假，筆直十分有限，求救
大部份bb野上網買抵好多，但要睇下你用咩牌子，你可以search 下邊個牌子邊度會平d。
尿片我訂開Bxby Pace。試過有d facebook shops買到假貨，所以第一次都係買少少試下，同埋唔知bb用邊隻會唔會敏感。但唯獨奶粉就唔好上網買，我覺得。
IC，如果想買啲BB口罩應該去邊度買好，我四圍搵都無，一係就好Q貴
你bb幾大？太細其實唔適合戴口罩，佢抖唔到氣又講唔到俾你聽，如果仲好細，用bb車+雨擋出街更好
IC
new born 好難戴口罩喎，bb太細，1歲以下戴口罩太危險！所以市面冇野NB bb口罩。
NB就盡諒唔好出門，就算出街，可以放BB車，再係BB車出面加膠"come"，防水個d呢，我見街d bb都係咁。唔洗買口罩住啦
2個讚
嚟緊暑假出世！
收到
同意, 咁樣有用好多
尿片我藥房買平過超市好多，pampers 同huggies 網站都有個指定藥房list. 我諗買到假貨機會應該細啲啩。
有間網店Baby-clan 超多人買，價錢平，但我未買過。
網店一般要買幾包先有得送貨，但初生bb size 大得好快，可能NB 同0碼都係用一兩包㗎咋，要買都唔好幾包買哂同一size 呀。
1個讚
大部份bb嘢，我第二胎好多唔係網購，就係 free group 朋友俾，無乜幾何在商店買
就連 BB 床都係 free 返嚟，瞓咗 3 年先掉，原來都散散哋，加固咗幾次了
我用merries，試過買wikipedia wong 水貨，又唔係話唔好，但係同平時誠哥買嘅行貨真係唔同，個感覺好似冇咁吸水咁。所以買咗兩次之後都係買返行貨。襯佢做優惠時入貨，可以like 佢facebook page 會有通知。
水貨大約兩包$23x，行貨$250之類（特價時）
Bb 我用k kwong diy 口罩 加filter , 一來fit d ,二來bb 成日食個口罩，同埋只係去健康院先出街！
真係睇下買什麼。
我就本地，海外，淘寶都有買。
但唔同野唔同網。
個人就，有關食，用的就唔會在淘寶買
我成日網購，同埋有時有啲網上野係期貨，會平好多，eg 你小朋友暑假出世，有啲野一定要，例如bb車，餐具之類，可以留意住，有啲而家訂，七八月先到貨，但就可以平一截，試過餐具平左一半
尿片太大舊難拎，所以會網購，唔駛出門自己拎，又平d。通常尿片BB嘢會喺Wxnder Bxby 同 Bxby Pxce買，好方便。
尿片初生好快轉碼，唔好一次過買太多包，eg:pampers 0碼（1-2包就好啦）當然都要睇番bb size。
最近媽媽谷介紹訂bxby-clan，比自己出街抬番屋企平，但就要一次過買10張或指定數目。已訂過2次，用過冇問題
唔係賣廣告，可以自己對比下價錢
尿片太大舊難拎，所以會網購，唔駛出門自己拎，又平d。通常尿片BB嘢會喺Wxnder Bxby 同 Bxby Pxce買，好方便。
Bb野就Iherb買 la, 平靚正，一定真貨，eg, 糊仔，零食，沖涼野，食具都有
如果想要日本貨就網購
BB嘢多數都網購（可以去大公司睇咗個實物再上網買），如果出街真係要買嘅話最好等到特價先好買，個價錢可以差好遠。BB太細可以用餵奶巾遮好抱住帶去健康院，本身想叫你買防疫帽，但係佢太細天氣又熱都係有D擔心。平時留意多D AEON,千色，一田個D睇下有無大特價。