見依家好多一包一包既食材專比氣炸鍋用好似好方便 有冇巴絲分享下使用上既經驗同心得?
同埋如果買氣炸鍋係咪都係買PHILIPS好D?
利申: 戒左金拱門成年 好想買部氣炸鍋黎炸雞翼 
2個讚
我都想買，不過老公話唔好
買包1kg 裝cp雞翼氣炸，仲好食過金拱門、kfc
有咗氣炸鍋，我已經好少開焗爐啦
2個讚
我有氣炸鍋之前有焗爐。個人鍾意焗爐多d,一黎氣炸出黎既野其實好多時無油炸甘靚仔二黎食氣炸比油炸更易喉嚨痛感覺更熱氣
我個焗爐退休之後就係用氣炸, 我買了XXL P仔.
用了一個月, 佢炸嘢係得. 如果唔食得熱氣又無乜要求, 我會用焗爐紙包住D食物封口(兩邊好似扭糖咁), 可以"蒸"焗整熟D食材(原理你BBQ嘅菇包咁), 咁就可以一個爐整熟2-3個餸…重點係…唔會整污糟個氣炸, 受熱好均勻.
講到焗蛋糕麵包, 佢嘅"火"力係均勻過焗爐, 同一個豬仔包, 用炸網氣炸真係個個位都脆又唔lone, 色水好均勻. 係個內籠唔夠焗爐高, 水浴焗法嘅蛋糕要拆晒D網.
1個讚
我依家都係15/16緊 唔知買焗爐定氣炸鍋好, 焗爐既用途好似多好多咁 
感謝分享! 冇諗過可以用焗爐紙一次過整2,3個餸, 吸引力突然大左好多!
焗蛋糕一路都好想試呀~不過屋企又冇焗爐, 如果氣炸都可以焗到咁就好了, 最鐘意一機多用 
我唔係sell 嘢, 你可以參考吓"楊桃美食網" (台灣)佢有賣機, 亦都有關於產品的用途及食譜, 睇完你會了解多D氣炸可以點變化.
2個讚
用過, 其實係方便既
不過睇你多唔多食氣炸出黎既食物
我自己屋企唔多食呢d, 就覺得冇乜需要買 
最後買左Philips XXL! 今個weekend試下整雞翼先！
後悔買得太遲！
我今年先買
超易處理
如果次次用都鋪錫紙係底
基本上唔會污糟
唔使清潔
勁好用，又快又無油煙
剛買左個多用途蒸氣焗爐，有氣炸功能，烤蒸焗燉又係超好用，我覺得食得多肉左
簡單方便非常好用
唯一缺點係會熱氣
好用呀！屋企冇位放大焗爐，買左氣炸鍋！用黎炸野、整蛋糕、整麵包
好方便。我係用特福既
Youtube 有片『氣炸鍋的理想與現實』﹐
睇完自己可以衡量。
今個WEEKEND用氣炸鍋整左好多野
芝士年糕, 西多士, 叉燒醬豬肋骨, 烤雞. 除左芝士年糕有D乾身之外其他都好成功呀 好味道
不過清潔方面真係需要多D時間, 個內鍋唔算好難洗, 不過蚊香位真係唔知點搞, 掉轉睇已經見到發熱線上面有D油漬, 用洗潔精+暖水都清唔到, 最後唯有由佢先, 遲下先再買支氣炸鍋清潔泡泡番黎清下
同埋見到台灣勁多配件, 最想買係不噴油網, 咁蚊香就唔會咁多油漬, 可惜香港冇, 台灣又唔運香港
好方便啊。同埋整到幾多款式野食
我自己睇完肥波介紹之後冇買到
利申：屋企有焗爐（乜功能都冇淨係焗果種）
其實我幾同意佢個角度﹐
我唔明D朋友叮薯條薯餅話好味﹐
我其實一D都唔覺。