有冇熱愛露營既分享下心得，初玩有咩要注意?
1個讚
以前。
重點
1)自己拿去的，自己拿回走。
2)營幕選擇(大細，通風，防雨情度)
3)煮食器具
1個讚
露露下就覺得根本係燒錢嘅活動 
3個讚
買個帳幕都唔平
之前鐘意但係呢幾年唔想準備咁多嘢轉咗去玩露營車， 唔使帶咁多嘢又唔使自己整地獄料理
2個讚
可否介紹吓邊間？
我都係！
尤其帶住小朋友真係乜都唔想帶
如果新手建議第一次最好報團或者組團
要有人帶同一定唔好買野先 因爲你未知自己要咩
最基本就要營,爐同爐具,地墊,電筒頭燈
頭幾次可以去租 睇啱用啱先買
我個人覺得如果你只係係香港玩
只要唔係寒潮 睡袋唔係必需品
同埋爐可以買自己站到 有條喉駁去氣罐嗰啲
一嚟穩陣啲
二嚟可以加個轉駁頭改用邊爐氣 平好多
平時係屋企打邊爐都可以用
1個讚
謝分享。
想問下哪裏可報團?
哪些營地較適合新手?
露營車可唔可以揸出去玩架?
去旅行都唔使帶咁多野
你 search 「白泥生態保育農莊」
嗰度有得普通露營
亦都可以租佢啲露營用品
有露營車
好多選擇
2個讚
好的
可以租借。
唔可以, 香港果d 得個樣得舍殼, 外國果d先可以
我之前去西貢一個水上活動中心玩過, 可以體驗露營, 果到有熱水可以沖涼又唔洗買營具. 佢會借煮食工具你用. 同埋好似$200都唔洗, 性價比超高
我試過只租營地﹐
同女幼稚園D同學 Family 一齊﹐
第一次租帳幕﹐
第二次自己買﹐
食物、飲品自備﹐
不過我地好彩有車﹐
所以都算方便；
樓上有谷友話露營車﹐
睇過其實好貴、唔化算﹐
同埋住帳幕似露營多D開心D。
我有晒營同床墊 架餐，
但無爐同Gas
因為會同家人去， 佢地有齊，
有車最重要， 因要帶好多野
其實我麻麻地鐘意去， 但老公 小朋友戶外型
我就陪佢地玩
我去過三個場都有得沖涼﹐
但有二個我都係無沖﹐
反正冬天﹐
唔差在果一晚。
非政府營地多數都有
可以上佢哋嘅網站睇
唔少政府營地都可以沖涼
但係冇熱水
而且郊外地方好多小昆蟲陪你沖
如果只係一晚半晚
我會選擇唔沖 或者用濕紙巾抹身