本身做開會計, 今日見咗份新工已經有 offer, 新工係證券投資公司會計, 自己未做過證券公司喱行, 而且間證件行係新成立嘅公司, 咩都未 set up, 所以想問吓有無啲咩需要注意? 會唔會好易會被利用洗黑錢而上身? 
請問有無 JM 或者從事證券行會計者可以分享吓經驗
交上SFC的REPORT洗唔洗你跟??
最危險係呢樣姐
其實應該無咩特別，有事都係有牌照人士負責。我覺得最主要係check多D公司background，係唔係證券都需要了解下嘅～
如果你本身有牌，簽名嘢小心D囉
證券行應該有咩都係RO上身ge，燒唔到你
除非你有份做假數、簽假report啦
我都唔知呀, 間公司新 set up, 完全無 accounts, 咁即係要一腳踢, 我估喺而家喱個 status 咩都要做
識唔識計FRR? 就算唔駛自己計都要識，因為每日都要keep到個required ratio.
證券行會計每日都要埋數Updated bank acct transactions! 每日trading 既transactions， 對中央結算既數都要清清楚楚，又要分開acct處理company 同 client money!
我都唔識，不過公司以前下面都有證券行都review過下啲數…有啲複雜但開左個頭之後啲野就好routine
間公司好神秘, 我本身 Apr 時見咗一份工嘅 Accountant, 咁姑且叫佢做 A 公司, 我覺得機會應該大嘅, 但一路無回音, 咁咪當無囉。 到今個月 7 號, 無端端有人 whatsapp 介紹佢自己係 B 公司嘅 HR, 想約我 interview, 但我已經半個月無 send CV 出去, 亦記得無 send 過 CV 去喱間 B 公司, 咁咪問佢點解會有我資料囉, 一問, 佢話係 A 公司個 HR 俾我份 CV 佢嘅, 我已經覺得好奇怪, 咁應該犯咗私隱條例, 喱間 B 公司個 HR 就話佢老細亦係 A 公司老細, 喺 A 公司見到我張 CV 覺得我唔錯, 所以拎咗返去 B 公司叫喱個 HR 聯絡我, 咁最終都 video call interview 咗, 但 in 嘅過程中, 喱個 HR 又話佢係代 C 公司請人, 而喱間 C 公司係岩岩年頭先成立, 但一路都無講明公司名, 所以我先覺得間公司有啲奇怪, C 公司連 offer 我都係由 B 公司個 HR 聯絡我, 到俾 offer 我梗係要問請我間公司叫咩名啦, 佢講完個名, 同 A 公司個名差不多, 連上班地點都同 A 公司一樣, 我好肯定 A 同 C 公司係同 group, 而 B 就應該只係有其中一個老細係 A 同 C 公司嘅老細, 唔係同 group, 成件事我就覺得好奇怪, 點解 C 公司請人, 而 A 同 C 公司先係同 group, 但個老細將我張 CV 拎咗去 B 公司呢? 仲要 1st (video call)、 2 nd (telephone call) 同 3 rd (唔係上 A、 B 或 C 公司嘅地址) in 都無提過請緊人嗰間公司嘅名, 而 3 rd in 時又唔係上 A、 B 或 C 公司 in, 上到去門口無門牌亦無公司名, 入到去只係見到有 1x 個人喺入面, 禁住啲電腦, 好似係買賣緊股票盤, 所以到尋日為止都無間公司嘅背景資料, 今日同 B 公司個 HR 傾 offer 時先知間公司個名, 咁先知係同 A 公司同一 group。
講咁多唔知會唔會令你混亂, 但我想講嘅係公司背景同佢嘅做法令我覺得好似好鬼咁囉 
我對證券公司啲嘢完全無經驗, 只知如果入咗喱間公司就幫喱間公司同佢喺外地嘅一間公司入數同睇住盤數, 同埋維持運作, 好似開票之類。
JM, 照你咁講，呢個集團好似有啲古怪，小心為上！ 唔好亂簽野！
我就係擔心, 自己又無證券行經驗, 所以先上嚟問吓閣位有啲咩需要留意
我都覺得好有問題，你send嘅CV應該屬於好高level confidential資料，如果真係finance公司，佢無可能（亦無必要）違反。我咁樣講，請人唔係咁難，求職網上公開用得嘅CV好多，佢何必去兜圈用你CV。而且finance公司最驚違反compliance。
我自己無相關個案經驗，所以未必比到咩suggestion你處理。例如去勞工處問下？
可以猜測佢咁樣原因包括：假求職套資料、扮請account實際入去跑數sell嘢。如果話成件事係真，咁合理解釋係公司唔慣跟規矩做嘢（例如中資細老闆）。呢幾個可能，你睇下點樣處理同參考下大家意見啦
喱間 C 公司個老細就係中資老細, 我就係驚佢要求咗我唔按規舉做嘢, 但我又無證券行嘅經驗而唔知, 而且間公司又新, 無嘢可以俾我跟, 連佢挖咗個氹俾我踩咗落去我都唔知, 所以想睇吓有無啲咩需要注意
我反而擔心本身係求職騙案，所以考慮上面幾個情況。如果你決定入去左，而佢真係請你做accounting，其實都無咩特別。最終負責應該係持牌人同Auditor，其他你按照平時常識處理問題應該就唔大。
2 nd in 時, B 公司個 CFO 講就只係做啲 data entry, email / tel. 問外地公司攞 data 再入數, 聽落就真係好似做普通 accounting 嘅嘢咁, 不過我都仲考慮緊好唔好 accept 個 offer, 主要因為間公司咁樣嘅招騁方式好鬼, 同佢喱行我真係無經驗, 又無朋友做喱行, 再加上佢係話係新公司乜都未 set up, 如果我你老細, 我都唔會請個又無證券行經驗, 又無 start up 經驗嘅人嚟 set up 間公司啦, 同埋 accounts dept. 只有我一個人, 唔知會唔佢有嘢要我簽咗做咗, 攆咗上身都唔知
我都同意嘅，睇下大家會唔會有D有經驗嘅JM可以suggest呢類情況點樣最好啦
我都好多謝你嘅意見, 同埋花咗咁多時間了解我嘅情況, 真係唔好意思 
1個讚
聽起來好fishy，一般正規公司唔會咁樣請人
而且做Start up，頭幾個hire係非常重要，所以必須有充足嘅行業經驗。
大陸証卷公司好多會逼員工開account，變相逼落搭。個人建議樓主一定要三思，盡量避免同呢種公司拉上關係
多謝你嘅意見, 我會好好考慮清楚, 唔該晒你 