小朋友sen, 雖然自己湊本身都有一定壓力、但唔返學少左俾人投訴既壓力、而且唔駛日日追追趕趕、做到好多平日做唔到既野、佢話只想返學同小朋友玩、但唔想讀書同做功課、都無迫佢學咩但始終都有最低要求、功課同佢做都要交等老師交差咁、反正而家睇下youtube 都學到野
係咪學校本身課程都好趕，又好多功課做？
我小孩都係 SEN 中學生， 佢知道嚟緊要返學，佢都唔係好想返。
但呢段放假期間…… 大人同小孩都真係可以休息下， 好寫意， 有功課我小孩子做，Zoo 照上堂, 呢啲日子真係好好珍惜。
轉間HEA既學校會唔會好D?
我明，本身都讀得辛苦，事倍功半，依家開學一定追到氣咳，就更加難讀得開心。
我接觸過一個 SEN 小學生，本身都缺乏自信，佢仲要唔好彩家庭有事發生，導致有情緒病。讀嘅學校係比較谷，但社工話轉校只會令佢情緒更容易不穩。
與其諗轉校，倒不如同學校老師商量安排下點樣可以幫助小朋友，例如將功課減量，平日小息/課後自願留低老師補堂，求個合格返黎。如果係讀小學，就諗下以佢目前成績，大概邊間中學可以入讀並且兼顧到佢 SEN。如果係讀緊中學，咁就幫佢搵興趣同一門手藝，咁就算無緣大學都可以有一技之長搵食養自己。
始終轉校唔係話轉就轉到，而且 hea 校有機會行政混亂、校風複雜、位置遠等等。而且唔係個個 SEN 都適合轉，有啲好抗拒新環境，就自動 shut down。所以最好開學前搵一搵老師傾傾復課後課程節奏會點樣，有咩方法可以幫助小朋友。
唔係谷架啦、功課都幫到都幫佢、但始終學校有學校規則、人人做佢唔可以唔做 
係、有時佢哋唔係唔想學、但真係跟唔到、就會有情緒問題、就更加學唔到
而家想幾時上就上、彈性大好多、做到就做
又唔影響到人、呢樣好重要
返學，對某d人嚟講，係學習知識嘅地方，但對某小數小朋友，係受苦嘅地方
1個讚
同意, 果個意識已經係佢地腦入面發芽