住咗咁耐大約都係一年見兩三隻到
但今年唔知做乜，五月開始冇耐已經有，數目仲唔係少
試過一晚殺咗5隻中size嘅，然後keep住隔幾日就有
尋晚屋企人仲見到隻大嘅(俾佢走甩咗)
平時已經好乾淨
每日拖地，隔日洗廁所，煮完飯會清潔廚房
雜物多多少少都有啲，正常量，而且都放得算企理
除咗喺騎樓爬入嚟，都諗唔到來源喺邊
屋企又要keep住開門窗通風
我本身超級驚，依家每晚去廁所都提心吊膽
屋企人話試放藥睇下得唔得
除咗呢樣仲可以做啲咩加強效果
可以試下放香茅。
放樟腦係角落位置同或者渠位
養隻貓
2個讚
硼酸粉+砂糖 1:5
比較無害嘅曱甴藥
其實你開窗真係爬入嚟你幾乾淨都冇用，有冇咩可以噴下/掛係窗邊？
我地都好懷疑係出面爬入嚟, 唔知用啲小強粉筆劃窗邊得唔得…
上網有搵到啲小強磚, 但話唔曬得會溶, 應該唔啱用 
住咁耐第一次咁多, 都唔知點解決好
另外多謝上面咁多位回覆, 我會研究下
做貓奴一向都係我夢想, 可惜暫時屋企唔太合適
知唔知邊度有得賣呀？
長開門窗真係冇辦法，同埋比你見到已經咁多隻，實際數量應該更多，甚至已經有個「鬥」喺度，可能要清理下啲雜物
有時經過見到都有啲檔仔有得買
同事用過話效果好好, 不過佢屋企嗰啲係細小強
唔知中/大 work唔work
比較好少少嘅係廚房同廁所暫時唔見有小強屎
雜物方面我地掉得就掉, 但始終3個人住都有多少嘢要擺
不過我地都已經用膠箱同櫃收好 
希望真係唔好有"鬥"係到啦…唉
德國小強可以試下用一點絕
2個讚
第一次聽，係吱起門邊等小強入唔到來？
同事話佢係畫喺屋企門口, 因為佢清楚知道喺門口入
啲粉對小強係毒藥嚟, 所以佢地就爬唔到入嚟
我會燒艾條, 人地用嚟艾灸嗰D
感覺天然D
有用？
好似真係無再出現
我搵滅蟲公司。即刻冇曬。勁開心。上年真係好困擾。
唉, 自開post嗰陣放完藥, 隔兩日屋企人執咗幾條屍以為唔會再有
點知隔咗10幾日, 尋晚又喺廚房見到, 好崩潰…
1個讚
"一點絕"幫到你, 之前我屋企又係咁, 晚晚10+以上小小強-中強出嚟開party, 用咗之後, keep 住用, 依家只係驚返風落雨強媽飛入屋, 如果唔係強毛都無條…