之前偶然見到有間網店母親節優惠，
又真係幾抵
抑壓太耐終於都報復性消費
不過我唔敢揀好貴嘅嘢
買咗一個共36份石，$2380碎石拼砌嘅吊咀，
收到實物嗰時都幾滿意
幾夠閃，大體，最驚喜係竟然跟埋頸鏈
不過我唔係好信佢，特登再問清楚，真係18K，即刻覺得超抵
但大家唔好誤會，我純分享，同嗰間嘢完全無關係，我不會用任何途徑話俾人知呢間店嘅資料
如果你哋有勇氣網購鑽飾，
記得：
1。一定要清清楚楚寫明材質（天然鑽石、幾多份/18K金）
2。網站要有確實嘅店舖資料（地址、電話）
實物其實唔大，全長大約2cm，但我覺得岩岩好，啲石幾閃已經夠搶眼，細細個吊咀低調閃
本來唔係好相信連頸鏈都包埋，店主親口確認
靚!
好睇
實物睇落清清哋，
我自己都幾怕星星、花花，心心嗰啲款
所以好滿意
好靚喎～！
呢個價錢又唔算貴 
我都覺得好抵玩
不過網購有風險，睇吓敢唔敢搏
哈~~~我買唔起鑽石
平時都係戴開幾十蚊"珠耳盛"
只係買得起人造石
前排網購左隻arte madrid 戒指。
收到實物又係覺得好正, 好明白你收貨既心情
都唔平仲好靚! 分享分享
真靚喎! 最緊要夠閃…自己鐘意就夠
係~~~呢隻人造石真係無得輸, 哈!
你咁謙虛
每個人喜好不同買嘅嘢唔同啫！
岩岩睇咗arte madrid啲戒指都真係好靚
依家網購大趨勢，喺屋企都買到咁多嘢真係好魔鬼
平時真係唔敢入去佢d 分店
好怕俾d sales 監視住
係見佢online shop 母親節有discount code 平咁多先買咋
人生第一隻arte madrid 
其實我都搵咗網購鑽飾好耐
有啲開到個價好高，有啲個款唔岩我，
但我真係唔想入金行搞一大輪⋯⋯
好煩
非鑽石首飾我都有買架～不過係好行，
Marc Jacobs嗰類
Arte madrid啲款真係好睇啲
最緊要自己鍾意啫
Marc Jacobs 型格少少無咁女仔
得閒又分享下呀
我已經好耐好耐冇幫襯過實體店
其實我都係
衫呀、護膚品、日用品唔洗講啦！
依家電器我都係網購
最新買咗個雪櫃（香港，唔係淘寶）
不過鑽石真係難啲，太貴唔敢搏
真係好羨慕你哋隻手白滑又纖幼
我隻手天生皮膚粗手指粗，戴戒指好醜
好多時想買介指諗諗吓都放棄
