你地姐姐放假會唔會叫佢番黎洗下野？ 其實我阿媽會既 星期日係要掃地拖地先準走再番屋企洗埋碗 細個我覺得我阿媽對啲姐姐好差 所以而家請姐姐我想大家公平啲 我就唔會想放假都比人叫做野囉 WhatsApp 都唔會想覆 將心比己姐呢啲野我覺得 睇電話果啲做到野就冇理 我自己番工都會睇下電話覆下自己啲WhatsApp 大家都成年人 唔洗搞到好似咩都管住咁 你地又點睇？ 會唔會又太free？食野洗自己衫果啲又點對姐姐？
唔會，但通常佢哋都會自動波做完先去街，
以前我俾工人好大自由度，可以出外食Lunch+買餸3hr，逢紅放，人工俾多500。
結果佢借大耳窿叫我炒佢，走前個日仲教返我點用部洗衣機同我女幾點要食乜，仲好擔心冇人接我女放學。
我都唔識形容，應該算失敗掛哈哈
我唔會叫佢做嘢，本身法例都寫咗假期嗰24小時都唔可以叫佢做嘢，但我呢個姐姐好好！有次佢放假知道屋企無曬菜，6點幾返嚟嘅時候拎住兩袋菜返嚟！放假返嚟佢都會主動叫煮飯，主動幫我哋洗碗
我覺得好多嘢都係將心比己，佢哋離鄉別井打工已經要同屋企人分開，有個好老細做嘢都開心d
唔會叫佢做嘢，最多返嚟嗰陣順手畀袋垃圾叫佢放出去
不過佢前一晚拖地會拖得乾淨啲
我都唔會叫佢做野, 但佢會出街前吸下塵先, 夜晚返到嚟會掉垃圾~
姐姐放假返來會幫我小朋友沖涼、洗碗同倒垃圾，印象中我無要求過，佢第一次放假返來已經自己做。其實都係睇大家關係，融洽嘅通常唔會同你計較。
唔會叫佢做野
我同老公嘅原則係放假就係放假 休息就係休息
唔會叫佢做野, 但姐姐會主動餵完BB先出街, 返黎又會洗碗倒垃圾.
但我地都會識做, 平時有咩好野食會預埋佢, 佢放假會預備埋早餐, 早左返黎, 我又會預埋佢食晚飯.
平日晚上我地放工返黎, 我地都會一齊分擔家務.
唔會叫佢做,
但佢會自己要去洗碗,同bb奶樽,碗
不過其實係因為我地都冇洗碗,佢唔今晚洗,聽日起埋都要洗返…
放假唔叫人做嘢呢啲唔係叫對佢好，係守勞工法例
姐姐由第一日放假開始，佢會朝早起身主動開奶，放假返黎洗奶樽同埋湊小朋友訓覺，我叫佢唔使做，佢話無所謂
平時我地食咩佢食咩，外賣會預埋佢
不過我覺得請姐姐真係睇運氣，有啲你對佢好，佢都唔會珍惜
我唔會叫佢做野！
但我工人主動幫手，所以我會比返多少bonus 佢！
姐姐放假果朝出街前會主動拖地同放貓糧清貓砂、一開始佢就自動波咁做。
平日姐姐唔忙、3點左右基本free到五點幾、七點洗碗（我地晚飯自己煮、姐姐幫手）、洗完碗基本上係自由、有時老公夜返、咁佢就要幫手抺下浴室。
如果果日的同小朋友出街食lunch, 佢就更free。
放假唔洗做野好正常喎，只要做晒野後用下電話又係好正常喎，我唔覺叫做太free，只係將心比己。
知道平時一湊二辛苦，星期六到我放假時，都會帶小朋友出下街，留姐姐嚮屋企，當比佢休息下又好，做下平時做唔到既清潔都好，我由得佢。我鬆下你時，你都唔好成日同我計較，大家會相處得容易d同開心d。