因為社會上好多大人既諗法好扭曲，我寧願佢反叛D但識思考，識分辦對錯
成日叫小朋友要聽大人話唔一定好
16個讚
我都有擔心過
但條線點劃呢
家教問題例如食飯要坐定
喺街唔可以亂咁尖叫
喺地鐵坐定定唔好周圍跑整到人
呢啲都要管
1個讚
我希望自己做到解釋比佢地知點解要咁做，而唔係我叫你做就要做
2個讚
最緊要係要學識明辨是非。
乖都可以有批判性思考。
6個讚
自從世越號事件之後，我就開始教我女唔好咁聽話，不過效果甚微。
其實小朋友細個嗰陣處於模仿階段，未識得分是非黑白，基本上大人做咩佢都會跟住做，所以反而聽話會比較好，可以趁機教佢尊重、禮貌、有愛心等等重要嘅品德，當然大人都要做個好榜樣俾佢睇
到小朋友大啲，開始學是非對錯，就要教佢去諗做每一個選擇嘅箇中原因同後果，慢慢訓練佢獨立思考。佢未必次次都揀得啱，可能會後悔會揀錯，但要一路陪住佢，要佢學識承擔責任同後果，同時適時俾吓意見，同埋教佢搵啱嘅人俾意見作參考，漸漸佢就會識得分析
至少我係一路咁樣長大 
4個讚
我覺得點都要奉公守法，但最重要係理解自己一言一行帶來嘅後果/影響，係咪自己能夠承受/如願。世事冇絕對黑白，乜年紀性別職業都有好人壞人，所以地方都有好處壞處，自己要懂得分析同接受自己行為帶來嘅結果。
有禮貌同有自己思想係冇沖突
1個讚
我覺得好難把握嗰條線
太乖驚佢無創意、無主見、無獨立思考易被擺布
太唔聽話又好難教自律、練恆心、講合群合作、同教有禮貌
1個讚
其實睇得出嚟緊通識都係愚民教育!有禮貌係個人修為,同唔聽話係無衝突,只可以小朋友醒目係好 d,禾都贊成唔好人講乜就聽就順從去做,要停一停,諗一諗 
有自己思考好重要， 不過都要兼顧做人處事圓滑，有禮貌 尊重他人
2個讚
要達到明辨是非呢個階段之前，要有足夠既知識同正確/正常價值觀先。小朋友要建立呢兩樣野首先都係黎自模仿同聽教。
無錯 服從唔係一個好嘅特則
自己決定 然後自己負責任
下下聽話 某程度上黎講好似無經過思考
腦袋係要習慣使用的
我覺得要想社會進步，下一代不能聽上一代話
4個讚
如果本身父母嗰個觀點已經係錯, 但又要小朋友聽自己話既話, 咁就唔好啦。
我比較希望小朋友有批判性思考, 而唔係死服從
但基本對人既禮貌同尊重都係必要的
1個讚
早兩日孩子們先問我：母親節願望係咪想佢地聽話
我話：做一個規規矩矩、聽聽話話嘅人，好悶，無創意，我寧願你地有獨立思考，明辨是非，有創意、有解難能力
3個讚
我地一路認為，敎小朋友唔係黑和白。
唔係比大量規矩佢遵守。
因為到咁上下，佢哋一定會講大話瞞住你, 適得其反。
真正需要敎嘅係正確 value。價值觀。
例如拍拖係無可避免，我哋唔係要比界線或者閘比佢。係要教佢點樣保護自己，唔好揀爛橙。
但係價值觀係冇得用口來教，需要父母身體力行，做俾小朋友睇。佢哋就會模仿。
1個讚
我都同過屋企人講,
我唔想個仔係乖既人.20年後你太乖,唔夠古惑好難同大陸,全世界既人鬥
原來都有人同我一樣咁諗
世界變得太快,我都係覺得陪養個小朋友有獨立思考, 有判斷力, 識得自己選擇 , 識得控制情緒, 自我學習…
1個讚
太乖唔好， 太另類亦都唔好
呢條平衡線好難拿捏