我小朋友K2, 最近媽媽谷既朋友開始整Portfolio,
係唔係我都要整定一份叩門用? 同埋開始選擇心水小學?
有無時間表? 可唔可以有人分享下要點整?
3個讚
要整理定資料，因為K2 呢個時候，開始報小一喇
3個讚
首要，要了解一下所想選擇學校嘅報名程序，shortlist 自己嘅要求，孩子長處
然後做cv，唔係間問收portfolio，所以好多時表列已經足夠
如果孩子無獎攞過，就可以慳返唔整
有獎，就以列表交，重要嘅就scan 定
1個讚
可唔可以分享要點整? 同埋點同小朋友選學校?
我個陣幫小朋友報考幼稚園時都係只報左兩間, 都係屋企附近.
好多身邊既朋友報考十間八間, 個陣時好在其中一間收,
如果唔係我都唔知點算, 咁岩早兩日媽媽谷既朋友們講起.
睇黎我都要開始為小朋友升小一做準備.
你會報直私校嘛？定係傾向津校，or 只報津校？
唔同路線做嘅野好唔同
你覺得孩子資質如何？ 你會傾向邊類教學？
學費接受到幾多？
住邊？無校車到嘅學校報唔報？會搬定自己湊?
你乜都唔講，好難俾意見
如果讀官津，唔洗咁早整portfolio?
叩門係下年五六月嘅事？
如果直私…我就尋日啱啱整完，交埋添
首先，你目標係咩？官津？直私？
如果係直私，咁係邊幾間？有冇睇過佢地考核方法？係佢地考之前有乜學校可以做熱身賽？
官津嘅話，乙一機會大唔大？叩門要冇話必須 111？中左寶校會叩邊間？
如果今年已經 K2，咁已經有啲遲，宜家已經要開始報小一。
如果你係 aim 入學術型直私例如 APS, SFA，呢兩間只需要支筆掂，唔掂就報黎都浪費精力，呢啲係要 K2 9 月已經開始操 fit。
Portfolio 唔洗花巧，正常人冇填錯野都有 first in。雖然面試班唔一定有用，但起碼你同小朋友都清楚流程。最緊要係 C6 都要參與，因為部份學校係會見埋家長，一陣講錯野就唔好啦。面試間間唔同玩法，自己爬文研究。
如果你係唔打算玩直私，一心讀官津，但唔甘心入讀二三線，咁你就要研究下區內乙一把握幾大，有邊啲本區他區學校 000 都可以叩入，邊啲叩門要筆試 (例如 CSK, 九循)，邊啲齋 talk。
如果係想認真鋪路，咁其實 K1 入學已經要搞。
2個讚
我係旺角, 之前都有睇過緊小一選校D資料, 暫時應該傾向官小/津校, 但C6話想直資/私立, 因為佢公司同事同老板都話如果有能力負責到學費, 最好先報呢D睇下收唔收, 但我覺得小朋友既資質都OK, 平時都成日講英文, 只係寫方面小手肌比較差.
OIC
謝謝你詳細咁講解, 暫時我的確偏向官津, 我以前都係讀官立小學.
不過我都未真正去睇下我呢區有邊幾間小學係心儀, 等我研究一下區內乙一同二三線先, 同埋上線再睇睇D升小一既資訊先. 
旺角 31、32，要讀靚啲啲嘅津小都唔係乙一穩陣，要私小 backup 抽獎，除非你真係唔介意讀二三線，Band 1% 20% 內。
努力研究吧！雖然話讀書靠自己，但亦需要一個可以俾小朋友發揮嘅平台。有啲學校真係考第一都未必係 Band 1，所以仔細研究，諗埋升中。
1個讚
有啲直資私立已過左報名deadline，音小，真道
咁，你真係唔駛整portfolio喎，報幾間私小，加幾間心儀直資 (直資收咗無得抽獎) 然後睇緣份
樓主, 如果純佛系抽獎係唔需要準備, 等派表填表就得。
如果想自行有分有人會去領洗, 搵返自己小學張畢業證書(呢D算唔算準備就見人見智)
如果想"考"直私就上D校網睇日子報名
如果想"考到"直私就幫小朋友預備下學術, 禮貌, 對答技巧 (你想要PORTFOLIO 有D資料嘅話不外乎幫小朋友報下什麼考試, 什麼比賽, 多數人都K2開始考/報)
如果想叩門成功就整個靚PORTFOLIO, 操小朋友學術
3個讚
如果面試，記得面試完之後就要泊返好張凳。 同埋要成日保持微笑
1個讚
「小一入學統籌辦法」是香港特區政府統一管理所有官立及資助小學取錄學生的一套機制，如果你想你的子女享用免費小學教育，你便要及早了解這套小一派位機制。
香港總共有五百多間小學，接近九成為官立及資助小學，他們全部要使用「小一入學統籌辦法」收生。只有私立、直資、及國際學校是自主收生的。簡單來說，現行的機制分為「自行分配學位」及「統一派位」兩個階段。
在第一階段「自行分配學位」，你可以不受學校網限制，為你的子女向任何一間官立或資助小學申請入學。這個階段主要講求「關係」及「世襲」，大約有一半學童會在這階段獲學校取錄，而不獲取錄的要進入第二階段申請入學。
在第二階段「統一派位」，你決定選擇學校的優先次序，讓電腦根據「隨機編號」分派學位，而且你可選擇的學校大部分是受你的居住地區限制的。這個階段主要講求「選校次序的策略」及「運氣」。
當然，你仍可為你的子女申請入讀私立或直資小學，這類學校自行決定小一收生辦法。
下圖簡介將於 2019 年升讀小一的學生會經歷的不同途徑及各個階段。
2個讚
人仔細細可以有咩cert? 
考Cambridge? 不停參加街外比賽活動？
重西利過大人見工XD
宜家啲小朋友能問能武，兩文三語一定識仲必須好流利。
最重要唔係 cert，而係 cert 背後嘅課程，除非張 cert 係全港/亞太/衝出國際。識人係跳舞全港冠軍，冇操過學術學術型學校考唔到，但其他都輕鬆考過完全冇難度。叩門幾間重體藝嘅津小，唔 111 都叩入。啲 GAPSK, Cambridge 佢地嘅課程係幫助小朋友語言發展，起碼是讀幾隻字同串字，就算呢一刻用唔上，小一都一定用得著。
老師學校唔係傻，唔係第一日收生，cert 嘅價值佢地都清楚。
不過升中仲恐怖，閒閒地個個八級鋼琴，琴棋書畫樣樣有，讀書科科八九十分，仲識分析新聞，辯論/討論技巧。十年前考中學唔識時事都唔太大問題，宜家連普通 Band 2 都問時事。
1個讚
哈哈~
真係無乜架，所以真係唔駛整，但我係報K1都有整嘅家長…
我仔要到K3 5月先開始攞人生第一個冠軍/亞軍，到叩門都叫有野見下人，但一樣無offer… 因為對眼唔望人 (之後confirm 唔係A仔)
我見有人用K3 奧數比賽獎叩門，但K2真係無乜比賽…