屋企向東
呢排朝早好曬！！起碼曬到11點
要山晒窗簾
大家屋企又點呢？
以前住過向東一段短時間，我自己就好唔鐘意，因為一早落曬簾屋內要開燈，到下午屋內又要再開燈
依家住緊向西（其實係西南偏西），一早夠光但又無太陽，每日2pm先落簾，但可以等到黃昏先會開燈，全日都光猛又通爽
咁幾好喎，但西斜，夜晚會唔會熱？
向東北，夏天焗熱，冬天仲凍過街，惟一好處係唔曬
只係廳有西斜，房向南，所以無呢個問題
有西斜其實冬天都比較暖，所以其實幾好住
住過東南同西南，兩個都各有各好，但自己鍾意東南多d，因為夏天有風吹入屋
朝早好曬，唯有落紗簾，但夏天既下午可以唔洗開冷氣，開風扇就得
以前都住東南，好大風，好涼爽
娘家向東，每朝返學前已身水身汗，極討厭。
而家向西北中低層，我又幾滿意，唔凍唔熱唔曬，朋友成日話喺我屋企唔會知出面天氣
向正南，好舒服
不過有其中一間房向東南，朝早有太陽曬入房都幾熱
我間屋同你一樣座向 ^.^
娘家東北，嫁之後主人房兩個大窗，一邊東北，一邊東南，當年窗簾跟6299 房一齊造，無留意座向，結果10年朝朝曬住！
搬屋，都係向東南，呢次做隔光窗簾布，好強，真係唔錯！
我地廳一日曬2-3個鐘，主人房一邊窗西南，所以日照時間會長d，但因為間屋對流好，日間唔知覺得熱
一直向東南，一早有太陽入屋好好。
裝修時，暫住向西南，超唔慣。
我住過向西頂樓，夏天熱到癲。 冬天凍到黐線
之後一間向南嘅，主人房有少少西斜。呢兩間唔會有發霉問題。
而家向正南，冬暖夏涼，好正。不過唯一缺點係屋企會發霉。
我用百葉簾，透光透氣得黎又唔會晒
我住過幾個方向, 窗向西都唔一家係晒. 因為有其他大廈擋到, 向西又冇咁易發霉. 不過中午打後都熱. 向北又凍… 向南又話風水唔好. 其實都好煩
聽落好正…！ 
原來向西都唔係想像中咁
我屋企向西，夏天熱死，冬天凍死
無知一問，究竟座向係睇大門定窗？
見兩個講法都有人講 
風水黎講係講大門
依家大家係講緊d窗
1個讚
屋企向南，都幾涼爽唔熱，覺得幾舒服 