唔相信愛情
或者，感覺愛情只係好短暫
唔相信婚姻可以一生一世，有嘅只係少數
20幾歲結婚嘅時候，好真心相信會一生一世
但係到最後
我自己丈夫出軌
經過左崩潰期、抑鬱期
我呢個家未散
但係我覺得 而家大家係親情多個愛情
現階段同丈夫相處和洽
大家都好愛小朋友
經濟上好穩定
我覺得而家嘅情況
比起分開更加好
但係我心裏面 有個好大嘅遺憾
我遇唔到一個真係好愛自己嘅人生伴侶
我一個家姐出軌。
我第二個家姐冇出軌，但係都係離婚
作為佢哋嘅親人
你知道成件事嘅底蘊
發覺20幾歲嘅我真係好天真
第三者一定係人渣？
未必係事實
人真係冇乜資格去批評一個人
喺婚姻裏邊遇到嘅嘢
我唔希望自己家姐係第三者
但係我知道佢呢幾年真係過得好苦
我開始懷疑我身邊嘅人有幾多個真係好幸福
定係其實 你睇人好 人體你好
中女嘅我 已經冇晒年青對愛情嘅憧憬
朋友
我對知心朋友非常珍惜
酒肉朋友冇乜興趣
幸好我有一啲可以講到心事嘅朋友
人生真係會有好多過客
生命裏出現過好多嘅人
留低嘅唔係好多
Sorry唔係好明，係好愛你，定係佢好愛佢自己？
同意
所以對啲明星出軌新聞冇乜興趣
永遠一家唔知一家事
旁人無資格說三道四
人人難免遇到好多感慨事
這就是人生
我完全明白，我到40歲先知道
原來我唔需要男人
但我又好鐘意小朋友
咪當配種囉！睇化咗之後自己揾自己生活
建立自己興趣，同老公相敬如賓
人就係咁㗎啦！你又唔可以怪自己當年結錯婚！始終曾經開心過！
而且對方又係好父親的話
咪當為仔女著想囉！
愛情係好純粹既荷爾蒙，代謝完之前建立到舒適既關係，共同既生活，就可以相處落去。一生一世一對一既關係又要一直有良好溝通，兩個人一路都同步，又要雙方有高道德感，一世人咁長又咁高要求，發生既概率低都好正常。人生唔係要你失望，要你維持到一堆標準先叫完滿，係適應變卦好好地生活落去，你可以修補你既婚姻融洽走下去係做得好好，另一家姐離婚後活得自在的話都係好事。
Jm抱抱
我覺得「遇唔遇到好愛自己」或「遇唔到自己好愛佢」既人生伴侶，都係「唔重要」，最重要係你選擇點同呢個人走下去。
你當日已經㨂左佢，就有一個承諾，即使佢可能唔係你一生中最愛、或你唔係佢一生中最愛，兩個人都要互相扶持到老，努力維繫呢段婚姻。只要兩個人都努力，兩個人都一定可以一世幸福咁生活下去。你現階段其實唔係差，我仲覺得是「苦盡甘來」。回想當初20歲時的天真想法，當然有所不同，好正常既，人大了自不然會更成熟。希望你和先生會更珍惜對方，試下增加多點生活情趣，愛既感覺就會返返黎。
另，好同意第三者可以未必一定係衰人，但人有自由意志，人之為萬物之靈，係因為我地可以控制自己，感情絕對可以控制，酒醉都三分醒。不過，人又可以係好軟弱既動物，我覺得可以唔需要過份指責家姐，可以多倍佢，有時比d指引佢，希望佢有日可以搵到新出路。做第三者，最傷害的人，其實是自己。
其實遇到個真係好愛或者你好愛嘅人，都唔代表可以一直走落去，呢二個人我都曾經遇過，但價值觀，性格等等因素根本唔適合走落去，反而而家老公係同我好夾嘅人，我都覺得好舒服同幸福
愛情
雖然另一伴曾經出軌，但總算肯回頭！其實過去係點已經唔重要，重要既係現在大家都有努力維繫呢個家，盡力盡心給對方給孩子幸福！人海茫茫，要揾到摰愛談何容易？另一伴可能未必係自己既最愛或最愛自己既人，但肯定係願意為自己真心付出，奉獻一切既人，亦於願足矣！
朋友
我亦都係一個非常珍惜朋友既人，甚至對佢哋比對我自己更好，但我好不幸，認識既人都冇個真心，甚至豬狗不如柱為人！知否你比我幸福好多，因為你有幾個可以講心事既朋友，但我身邊一個都冇，即使你身邊留低既人唔係好多，也總好過冇一個人肯為我留低！
JM，我已踏入老年，已經睇化晒，知道好多野都冇得強求，我哋可以做既就係珍惜今天所擁有的一切！祝福你！
同意呀，所以我覺得第一件事係要愛自己
識得愛自己、知道點樣氹自己，先知道自己身邊需唔需要有人，想要啲咩人⋯⋯
面對緊先生出面有外遇問題
覺得自己好天真，竟然相信可以一生一世。
而家唔再信人，自我否定，好迷罔，唔知走唔走得出困境。
恭喜你搵到相處既方法。同有傾心事既朋友。
愛情的期限係好短的, 兩個人無左新鮮感點會可以長期充滿激情, 所以結婚耐左大家反而變左朋友.
我已準備將來自己去外地居住, 大家保持一個長久的關係就算了.
而家學會愛自己多d
其他野 算吧
其實每個人去到呢個年紀，遇到嘅事，好多都覺得不合理，但又正正響身邊發生，只求做好自己
係，人真係要懂得愛自己，珍惜自己，別人才會更珍惜你。
又或者係先學識愛自己，才會更懂得愛人，更懂得和其他人相處。
我今年都40，灰灰地 
其實同另一半做到好朋友真係好重要，所以我好難明果種未做過朋友就變成伴侶嘅情形。
好認同台灣呂秋遠律師講嘅，夫妻係要「情義相挺」，要講義氣。
未到 40.
同意人生真係有好多過客，生命裏出現過好多嘅人同事物，但留底的唔多。所以希望到最後可以留底一d真善美係人間，咁先冇浪費自己係人世間出現過。
夫妻之間，最重要能比大家空間，一齊生活的同時，都能保留自己喜歡同舒服的生活方式。咁較易長久生活下去
希望你係未來嘅日子都會過得好
不過好奇如果當小朋友大咗，如果遇到另一春，你會去追求嗎？定係多一事不如少一事？