睇中屯門新盤，見樓底都高，想買細單位然後自搭一個小平台閣樓當係多間房，但睇過多數人都係偷雞冇入則，因為法例好麻煩，而且涉及埋消防例，但係開放廚房每年都要比消防署入屋檢查灑水系統，有冇人有經驗，消防檢查員會唔會厚多士話你閣樓有問題？
推一推
可以用「上下格床」方式，
上面是床，下層係衣櫃和沙發。
因為想做4.5 x7呎，覺得固定佢比較安全
雖然我唔識，但依家d納米新樓樓底咁高都預人地整閣樓… 好多野都要同屋宇處入則申請，但好多人都唔會咁做
我正是這樣想，始終而家呎價貴，但又樓底高，搭閣樓都好正常，但係法例好落後
唔知有冇人住開廚單位，可以講下每年消防檢查係點?
我
我睇樓果陣好多都做左開放式廚房，但無申請，真係好普遍…
如果唔每年約消防檢查灑水系統，有咩後果？
而家樓宇納米化，好多開放廚房，佢哋咁得閒？
法例講明要，消防會留Record，冇得呃。
我上FB見有人同BD入則整合法劏房既成功例子，坊間應該唔少人專走呢D灰色地帶去申請。
如果無火煮食會唔會exempted?
明火是冇得開放，仲一定要防火門
4呎半 x 7呎⋯⋯其實唔係好大，有啲單位係做入牆櫃，已經OK。
唔係真係消防處去檢查，而係管理處會安排註冊消防承辦商去做
我係開放式廚房，入伙三年做過兩次年度檢查，唔係消防署入屋檢查架，係認可嘅承建商，講到尾即係私人公司，點會理你有冇做閣樓
檢查15分鐘左右就趕住去隔離屋檢查喇，我屋苑係管理員代為搵幾間公司格價，再幫我地約時間
至於唔做檢查有咩後果我唔清楚，我有買家居保險，唔做檢查唔知有事起上黎會唔會保險賠償問題，所以三幾百我就照做檢查[quote=“tonyli, post:6, topic:18172, full:true”]
我正是這樣想，始終而家呎價貴，但又樓底高，搭閣樓都好正常，但係法例好落後
唔知有冇人住開廚單位，可以講下每年消防檢查係點?
[/quote]
我買樓前都問過做消防嘅親戚佢話冇呢樣嘢，但係明明我都記得報紙有講過
後來見到有新屋苑有開放式廚房但用明火爐，先知[quote=“Lemo, post:11, topic:18172, full:true”]
明火是冇得開放，仲一定要防火門
[/quote]
原來開放式廚房用明火定電磁爐係睇公契點寫。開放式廚房有煙霧感應器同消防花灑頭就可以
長見識了
我都想知如果做左閣樓, 對家居保有無影響
係咪:
開放式廚房+有灑水系統+公契冇指明= 可以明火
開放式廚房+冇灑水系統+公契禁止= 不可以明火
？？？