雖然失業左大半年，但係我唔擔心。
正所謂有危就有機，只要唔送頭，就有機會。
而家香港既營商模式正在改變，大家有乜野好既睇法？
3個讚
我老公生意差左3分2都已經好灰好頹⋯⋯
點解你咁樂觀？教下我老公
1個讚
宜家有得做都係網上媒體
網台呀、網店之類
1個讚
網店依家係一個趨勢，網上買嘢網上俾錢。
好多人其實唔係太鐘意行街，而且網店唔會俾地區限死。
2個讚
你可以同你老公多啲做運動，例如去公園行下(記得戴口罩)，有運動頭腦會清晰啲，當機會來到時, 轉數都會快啲，另外, 運動令腦部釋放安多芬, 人會開心啲
3個讚
睇下有無啲散工做住先囉
1個讚
諗緊有乜野, 在疫情過後需求會大增, 現在做好準備
我果頭不斷見到黃色食店請人
1個讚
我地仲有兩個女，大女2歲半，細女岩岩1歲⋯⋯已經困左係屋企好耐好耐好耐啦
小朋友肯戴口罩最好, 同時可以買頂有膠片的帽比小朋友, 閒日每星期帶佢地去空矌地方行1日抖下氣囉
我上份工就係做網店……其實都無大家諗得咁賺，都要睇你來貨點
本身來貨平過人地先叫有得做，否則都只係幫補
而且搭大平台做就易起手（你唔洗花好多力同好多時間去吸客），但賺得唔多（平台食傭，而且基本上都紅海）
唔搭平台自建就好講你本身有無經營開客群，從零開始起步都會幾慢，因為網店唔似門市，街坊行過就會走入黎望望咁，無人知你個網就係無人知，再加上都仲係有啲客會驚俾晒錢你你又唔出貨之類……
所以話，網店其實都唔易做 
（利申：我都失緊業
2個讚
好同意, 10幾年前我已經想做網店, 但只做本地可以講死梗, 家人都有做小小當賺日常零用錢而已.
1個讚
馬死落地行
大家加油，咩都做住先
1個讚
窮則變變則通…
呢D時候可以增值就諗下
唔好亂咁投資 
我都有同人夾網店…
不過都係賣SKINCARE 呢D
唔算賺到錢…我朋友賣supplement就好D
你個名好熟口面
Btw, 失業嘅大家咩學歷
♂想搵咩類型嘅工先
我有朋友失業一個月搵到工， offer 差DD，所以有希望的。
問friend ，同事有冇請人。
同時學下新野，之後有工見時知道你搵工期間都會積極就會加分啦！
大家撐住， 鬥長命。
唔好灰心，總有行業有出路，而家係養精蓄銳嘅時候，裝備好自己，好快就雨過天晴，加油 !
各位加埋，我哋打不死
要同柒婆鬥長命，睇佢點俾天收
1個讚