其實由細到大都冇諗住買樓
因為種種原因搬左出黎住
每個月都比成萬蚊租樓
份人工Handle到不過冇乜錢儲到
上年婆婆過左身
媽咪變左多左舊錢
計埋佢所有積蓄有四百幾萬到
由於媽咪係終極保守型
唔敢買股票唔敢投資
咁多年黎最多係做定期同買少少外匯
我就諗
反正都要租樓比一萬蚊人
不如叫媽咪買樓當租比我住
咁起碼佢舊錢唔使擺係度
可以賺到我果一萬蚊一個月
叫做有啲回報
因為真係乜都唔識所以想問下
大家覺得呢個時候應該入市嗎？
Full pay好？定係供樓好？
婆婆舊錢其實係大陸
因為疫情仲未搬到黎香港
而家入市就點都要借錢
我有做下功課
好多人建議係做按揭keep住cash
因為息低
寧願拎錢出去做投資
但我同我媽都冇咁嘅膽量同知識去買股票等等
所以自己傾向full pay一了百了
唔使驚個市跌唔使驚冇左份工諸如此類
買樓唔係買橙
好苦惱
有冇高人話我知有咩要考慮
自住樓，600至700萬有好多選擇，按 50% ，唔怕會跌到負資產的
供款應該同你租樓俾開的 $10000 差唔多
如果full pay,400萬冇乜選擇喎(仲要律師費等等)…
定用黎做首期，搵啲好既屋苑正正經經一個單位，自住又舒服，要租出都容易，之後供會好啲…
我c9仔都唔識投資都冇乜投資，不過我覺得自住樓，手上夠錢，就可以買
但係咁就會變左我租緊果$10000係比銀行唔係比呀媽賺
我本身嘅出發點唔係為左置業，而係唔想我媽舊錢貶值，拎晒媽咪辛苦儲落嘅錢去買樓比自己住，過唔到自己果關（所以都係我咁多年黎冇諗住買樓嘅原因）
睇地區啦，400萬內嘅樓有，我自己都唔鍾意住市區所以冇所謂，不過一定係舊樓同要裝修，我計過400萬都應該handle到…但係如果full pay晒就真係要用盡我媽舊錢
睇下你想買幾多錢同幾大既樓，而家四百幾萬都有靚裝，大埔都好多揀～ 要睇下你budget想買幾錢樓，如果買樓自主問題不大，建議做5-6成按揭，唔洗俾按揭保險又唔會話供得好辛苦，你而家每個月都比緊萬幾蚊租樓同供樓條數一樣。香港人難上車係因為無首期
講到尾要量力而為，唔好心頭過高就Ok
溫馨提示:
你自己都有前設，仲上網問人哋做乜嘢
最簡單買返你租緊嗰度 (條件相近的單位)
一， 買嘅係自住用定投資用？
二， 自住嘅而有能力嘅，full pay
三， 如果唔熟，千奇唔好攪按揭套現投資，除非你搵嘅投資100%賺到錢
四， 小心樓市跌
中國人本性，好喜愛儲蓄，大把人戶口有幾百萬未開頭，你話樓價會唔會大跌？
美國無限印銀紙，現金貶值嘅速度超乎你想像
買樓係最容易控制既投資，你說只需要遇上一個心急套現嘅業主就可以。
買股票你既對手係一大班年薪幾百萬專業人士，需要大量時間、知識同埋情緒管理，自問不具條件者絕不宜沾手
買樓唔係買哂成個市，你只係買一個單位。加上居住係每人必需品，你睇多啲樓就會建立一套標準去到衡量呢間樓值唔值呢個價。由你熟悉嘅區開始，約經紀睇或者網上搵盤，信心可以慢慢建立。
同經紀講你係買來收租（經紀最鍾意啲客，因為佢知道成交左仲有多單生意做，就係幫你放租）咁你買樓之後改變主意想自住都唔需要同經紀交代架嘛！
耐性，你需要等一個心急既業主，假設你唔需要做按揭嘅話，可以即刻full pay層樓，可以提高議價能力
如果做按揭，申請Mortgage link 戶口可以慳息，而且供應利息可以扣稅，你話係咪著數先
磚頭真係好保值
至於依家可唔可以入, 想講, 08年後, 先前有短暫叫做回左少少, 之後呢轉了, 不過好老實講你MISS左一二月個佳期 (果個位最好壓價) 但你自已諗,HK發生 咁大單野都只係回左D, 之後好返呢?
首先要轉返筆錢做HKD先，要搵地下錢莊/找換店做，大陸戶口轉帳至大陸戶口，香港戶口轉帳至香港戶口，幾個鐘搞掂
未有自住物業，而你有首期或Full Pay，一定要買
如你覺自己對阿媽不好意思，建議每月俾多D佢家用，食好D
買樓保值、有瓦遮頭，你阿媽會覺得有安全感
我反而會做按揭，拎部分去買藍籌股，平均有4厘，一直增值及收息
萬一要應急有定期及股票可用得著
做按揭， 做到你月供5000 - 6000左右，剩低嘅錢媽媽揸手
老人家有現金安全感大啲，唔洗完全依賴你， 財務自由好多
你供樓 同俾家用
你媽媽是否只生了你一個先?
四百萬⋯⋯抽居屋算，起碼居住面積大啲。
我都覺得呢個問題重要
如果你係獨生女, 層樓遲早都俾你嘅, 就簡單D, 你每月租金外再俾多D你媽, 夠俾按揭之餘你媽又可有多D零用錢, 你就當投資落層將來會歸你嘅樓, 不過要同媽咪傾清楚, 以免有爭拗, 或中途你媽想賣咗層樓之類
我覺得full pay有D難, 唔知你要住幾大, 不過就算唔大, 400萬樓選擇都唔多, 仲要俾雜費如律師費等, 又可能要裝修下層樓咁, 400萬真係未必夠
我覺得或者可以買大約500萬樓, 做5成按揭, 俾埋雜費, 就算要裝修下, 都仲有D錢傍身, 買下收息股又好, 做下定期都可以, 靈活性大D, 不過前提係你媽有做野有穩定收入, 可以做到按揭同過到壓測, 其實個人覺得按揭做多D好D, 始終而家息低, 而且你都係自住
你考慮完以上呢幾點之後, 再諗下現時入唔入市