人奶bb依家九個月大
由六個月開始先加固，初初俾糊仔佢食，都試左成個幾月先肯食得哂
糊仔呑到，之後我有俾過星星餅，米餅佢食都呑到
我依家煲粥仔佢食，已經煲完後盡量整碎啲俾佢
佢都有啲係呑到，但總會哽到嘔
係咪即係我仔仲未好識呑呀？
到九個月大仲未可以有一餐加固
粥仔前有冇食開米糊？
除咗粥仔仲加咗咩其他餸？
我全部肉呀菜呀都掉晒落攪拌先食
有可能佢唔係吞唔到 而係唔鍾意食唔想吞
我開頭以為水水哋嘅粥佢容易食d 但點知佢唔高興
試咗好多唔同稀稠度先知佢要咩
最後稀粥+米糊最滿意
初初加固全部粥肉菜都攪左先俾阿女食，慢慢就悟整咁碎，佢就適應到
都係由六個月先加固，依家9個月，一日三餐粥仔
我加左瘦肉掉味同切碎啲菜心加入粥到
又有試過紅蘿蔔瑤柱嚟掉味，佢係肯食
但係就好似呑得好辛苦，我啲粥比較潔身啲
唔係好水
好叻啦九個月三餐粥
我都好想好似你咁
佢好似唔識呑咁，我唔知係唔岩佢胃口定係佢真係未識呑
因為佢其實都肯食既但就成日哽親咁嘔返出嚟
我個女太輕，跌出生長線，6個月時健康院姑娘要佢食少D奶，要3餐有肉有菜嘅粥仔
你試下整多d唔配搭俾佢試下，開頭打細粒d先，佢地好快就適應到