雖然話元朗好多鄉黑
不過真係得元朗區嘅村屋個價係比較容易買得起
有無黃到金嘅人住緊元朗嘅村屋可以分享吓住成點果啲？
留意咗一排，馬田村好似幾方便，大家點睇？
我住咗10年元朗村屋，頂唔順轉返上樓。村屋雖然大，但起樓物料唔掂，冇保証。廁所成日塞，要揾人通渠，幾個月一次每次成千蚊（我住嗰陣係全新樓）。同埋勁多蚊同蟲，仲有四腳蛇。好彩嘅係冇老鼠，因為有好多流浪cat捉老鼠。除非你有心理準備，有儲蓄做定期維修。
我係隔離post都回過
我copy過黎先
冇揸車都幾唔方便
除非接受到要轉車, 不過通常村屋搭車出地鐵 / 巴士站都要等好耐, 班次唔密
同埋就算唔講交通, 個人都極唔鐘意村屋
衛生問題好差, 講緊唔止係老人家, 連後生既都…
仲有好多原因我都唔鐘意, 一時間我講唔哂咁多, 講少少算
嘈音問題: hk d樓樓底薄係好常見, 但村屋絕對比普通大廈嚴重好多…
唔好講行黎行去, 樓下樓下講野大聲少少你屋企都聽到
唔係個窗透d聲入黎, 係真係係地板 / 天花透到聲
加上附近一定好多人養狗, 嘈到拆天係咁吠
上網唔少都未有100m, 冇100m既應該係得8m-10m上網, 睇個youtube都load唔到
有100m既又會成日斷線唔知點解
環境問題: 屋企出面d路唔似市區整得咁好睇, 一落雨就勁污糟, 唔開車真係唔想行出屋
再講樓主冇開車, 唔通想落街食個早餐 / 去超市買枝鹽都下下要搭車咩? 勁唔方便
另外年年要夾錢去抽糞渠
不過買黎講真係得村屋個價比較合理
其實都唔合理 不過叫畀得起
除咗衛生之外 我見有啲村好似馬田村都好近市 基本上唔洗揸車都得 又有光纖 係貴過其他村咁解
不過私隱度同埋嘈都真係要考慮吓
Thanks so much!
咁西貢村屋會唔會好啲？
未住過果頭唔清楚呀
因為想搬去西貢嘅村屋， 試下村屋嘅生活。 唔知頭唔知路， 好難搵到資料
如果真係要買元朗嘅村屋，首先要揀無咁雜嘅村，有d村嘅鄉黑比較鍾意攪事，有d村外人住入去被爆竊是常事，同埋有d村有d範圍係較新的丁地，村民多數賣/租出去，多外來人住會比較安全。
我個人都極唔鍾意住村屋，方便d近路邊嘅超大塵又多昆蟲，完全開唔到窗，有露台都曬唔到衫，無保安，年尾通常會被爆竊… 貴重野唔敢擺屋企… 最接受唔到嘅係夜晚返屋企好驚，成條路加埋得1-2個人，我之前住果附近仲要好多南亞人出沒
不如租一租先, 覺得ok既先再買啦
☆廁所成日塞
☆交通唔方便，冇揸車去夜街真係慘，入村小巴最後一班9點幾10點左右…我先係市區岩岩食完飯。要坐的士都幾重皮。出村坐小巴又要暴曬，路上遇唔少不知名貓狗。
☆想幫襯維基，唔送。外賣熊貓袋鼠全部唔送。然後冇揸車你出街又買唔得多野，搞到冇啖好食。
☆大量蛇蟲鼠蟻入屋，我住3樓，淨開廁所窗落蚊網都大量勁細蟲蟲入黎，搞到我個洗手盆好核突。
☆夏天晾衫又熱又曬。我好怕出雀班，所以要搽防曬。同埋會俾蚊咬到pk，搞到要噴埋蚊怕水。
起得好糞渠唔使年年抽, 因為個SIZE 唔會起到好細, 不過如果當初為左租OR 賣, 可能為左慳錢起細左掛. 我住緊個到6,7年先抽一次都得.
其實住村屋除左大之外, 真係好唔方便, 除非你係唔使返工又可以日日STAY 屋企既人, 如果唔係要成日出去既話, 交通係唔方便, 除非有車, 住村冇車真係去買送都成問題
近市村 馬田算唔算係一個好選擇？
我有同事住馬田村，行去西鐵站要15分鐘，唔行咁遠搭巴士可以好耐都未離開到元朗…
我未住過唔了解果邊呀
咁都算方便呀 起碼比起大棠大樹下轉少程車 可以行到出去
不過馬田又貴果啲一截
好奇寶寶想問下：住啱左， 咁係咪要搵返同一條村落腳？ 定其實每到村屋都係大同小異？
個人覺得唔係每到村屋都大同小異
搵返同一條村落腳好d