我上兩層冷氣機連滴咗三晚，管理公司出咗信，又話上咗門但唔合作。我上一層都有投訴。我戴咗耳塞都瞓唔到。保安員竟然叫我加一塊地毯係冷氣機面，又辯稱人哋要時間整！咁要停止使用先啦！我自己滴到人都係咁啦！搵食環署得嗎？報警得嗎？搵區議員得嗎？點算？
妖 最憎依d人 真係好嘈 係咁滴 真心火
1個讚
揾食環真心唔得，佢地出幾次warning letter 比住戶，又巡下咁，理論上warning 後可告住戶滴水
但實際上到時已係冬天，巡後無事， close file
1個讚
咁係咪報警都冇用？
你入封信落佢信箱講下可能仲快
照搵食環先啦! 我之前都試過, 係好煩好晒時間, 我嗰時連邊戶滴都唔知, 靠食環幫我搵到再叫佢整返好, 你而家知邊戶應該會快D。希望你早日解決問題 
1個讚
如果你知邊戶係可以直接搵佢傾, 不過管理處都話佢唔合作, 怕佢未必理你, 不過都可以試下嘅
我諗你舖塊地壇係機頂好過， 唔啲死症， 對方賴皮投訴邊個都無用。
我發現佢唔開信箱，所以應該連管理處發嘅信都收唔到囉。
唔開信箱咁古怪？
咁你攝入佢門度得唔得？
記得用詞要好客氣先得。
食環 你要不停投訴先得
淨係一次佢肯定hea住做
有左case no一.再追佢跟進
1個讚
報食環, 開親機同管理處投訴，總之, KEEP 住投訴， 要求樓上熄冷氣。另外，食環會搵管理處，你唔KEEP 住投訴, 佢地會以為整好左，唔理。
亦可以買塊類似3M 地毯膠底圈圈面果款, 大約$15, CUT 啱SIZE, 反轉底向上, 鋪上冷氣機頂, 要固定在機頂以免飛落街，可減噪音。
1個讚
我有努力投訴，日以繼夜夜以繼日。
X！有心整，一個上午就整好啦
你小心佢整嗰時會有污水倒出
1個讚
佢係高我兩層，相對Ok啩。
啱呀，我上次落樓搵師傅整完都唔洗2個鐘。
1個讚
我就係咁諗。而且附近有起碼四間水電舗。就算要等到Weekend, 就唔該先唔好開住囉。
我想講我屋企一開冷氣機,樓下就會投訴,保安就會上黎講,我老公整左好多次,其實條喉已經痴牆落,冇水滴出黎,但樓下仍然投訴, 話有風吹返d水出黎…保安叫我地搭棚將條喉兜去廁所個邊…其實我地都好無奈,要做都盡力做左,有風我都冇得控制…無理由真係走去搵人搭棚,搞到而家開冷氣都有壓力。
只係分享自已經歷, 不代表其他人。
1個讚
會唔會唔關你哋戶事？管理處有冇查清楚？
但滴我果戶極不合作，唔肯開門、唔肯接信。
我已有1823比我嘅case no. 但仲等緊食環署覆。