-係紐約遇到國際級小偷，上巴士拿完銀包比完錢後唔見左個銀包，個重點係巴士得小貓三四隻，唔知佢點落手
-有一年聖誕節前由hawaii 飛NYC , 飛機overbooking 問有無人自動放棄機位，airline 會送credit補償。初時airline 話放位就賠US$300，我地巳經滿意，諗住讓機位比其他人，因為好多都係返屋企過聖誕節。但有鬼妹叫我地唔好咁快放，等airline offer 多啲錢先，最終我哋一齊等到last minutes 先放，airline 每人送左US$1000 比我地
一個人去羅馬，夜晚買定第二日火車飛，研究緊用自助機，有個男人話幫我買，拎左我張50歐羅，喺第二部機扮禁唔到飛，帶我行出火車站話去唱錢，越行越唔對路，狂鬧佢先拎得返錢。
我有個相反經歷，係有巴士上山但落豪雨，我哋乜都無做就原車落返山，我喊足全日 
在維也納，親眼見到一班中東酋長shopping
在Rolex專門店，酋長坐在飾櫃前的椅子上
一班家眷大約十幾人，全部立正式地企在後面。每位家眷輪流選一隻錶，他們選的唔係好貴的款，大約廿萬hkd一隻的貴金屬款！
當日鋪中有單紅，但sales要我配貨，才肯出。
我同老公講笑，不如叫酋長幫手出錶
我們立刻㩒cash俾返酋長
最後當然冇咁做！
有一年暑假，經倫敦轉機返
點知柏林的機delay,我們要送倫敦返港的機的機尾
最後航空公司包食包住包零用，俾我們在倫敦留多兩晚。我當然一到酒店立即放低行李，到市中心食買玩。
仲有其實回教國家，尤其埃及摩洛哥的男人
對外地來的女仕好口花，成日叫你留低同他
在當地生活
因為他們唔敢撩當地女仕
及我哋又真係俾當地女仕穿得小布
為免麻煩，我去回教國家一定穿長褲
去到摩洛哥入沙漠，當地男人直頭拖住你隻手行。因為沙漠嘅沙好軟，唔咁做根本行唔到唔到。
可能小霞就係咁，同她老公通咗電！
當年去突尼西亞，岩岩經歷茉莉花革命1年到，喺馬路上親眼見到真實「活生生」使用中嘅坦克車，好大部，好有面對武器嘅震撼。
喺土耳其，極多男士對女仔索吻，唔知佢哋係咪對華人女人先係咁。有個14、15歲男仔，講咗一輪都無法溝通，之後突然就錫咗我塊臉一啖
我去俄羅斯時，撞正俄羅斯社會運動
同香港一樣，每星期也會在市中心遊行
咁啱，我星期六那天出紅場
我親眼見到戰鬥民族嘅軍隊係到stand by
係好多好多，一架一架巴士用黑色膠袋封哂窗，又裝甲車⋯⋯
當時仲係8月，香港的情況末有咁嚴重
去cafe飮咖啡，同當地年輕人吹水
大家用broken english,傾到好有共嗚
同當地年輕人不禁擁抱，説一聲
we are together
7、8年前去土耳其，join左個local tour，喺Capppadochia度住嗰啲好似精靈屋嘅酒店，一間酒店得嗰5間房，我同個friend一間。
個導遊同我地去reception Check in，之後話夜晚帶我地睇土耳其舞叫whirling dervishes，佢講嘅價錢當時折返港紙500蚊左右唔包晚餐。
點知個reception哥哥趁佢講緊電話叫我過去，叫我用廣東話講俾我個friend 聽呢條友呃鬼，價錢太貴，佢可以帶我地去，價錢一半仲包埋晚餐同接送。結果我地無跟導遊，淨係跟左reception哥哥去，真係一半價錢，晚餐都ok，仲要好view位 
十年前去倫敦Exchange，臨走之前嗰晚同local student玩得夜，搭11點尾班巴士返去住處。點知原來改左路又無任何notice，架車行到半路我見到越來越山旮旯勁驚，問個司機佢先話係傍晚撞車改左道。我問佢可以點搭返去，佢就發爛渣話下個站就總站，有tube Station，不過呢個鐘數埋到站tube都收工架喇，唔啱我喺路邊放低你自己行返去。我話，大佬呢度山旮旯，我一個女仔點行返去？
然後有個女仔跳出嚟幫我，叫我同佢去到總站返屋企，佢攞架單車陪我行返去，卒之佢陪我行左個幾鐘頭先返到。好在原來佢阿媽之前喺我住嗰頭返工，所以佢識行⋯⋯
自此去親旅行都唔敢玩咁夜⋯⋯
我識得個土耳其朋友又唔會咁
不過我覺得佢哋會比較熱情, 同埋真誠
我都唔知點解會咁
佢哋又唔算好惡意，但就真係懶風流咁索吻囉
真係遇到好人
同老公係Budapest嘅Széchenyi gyógyfürdő 塞切尼浴場浸住溫泉飲cocktail睇日落
咁唔好彩
不過我再諗返 九州都係自駕好
上次去有D地方 好似高千穗 實在太遠了 搭巴士搭到頭都暈
如果自駕 遇到你既情況 都可以即刻轉地點去
同老公2個人旅行結婚，向布拉格old town hall行禮，個場就淨係得我哋兩個同幾個當地嘅工作人員，個感覺係好寧靜好浪漫。
行完禮之後，old town hall對大門會打開比我哋行出去，大門只係有婚禮先會打開。開門行出黎嘅時候，出面好多遊客都拍手歡呼祝福我哋。之後我哋向布拉格周圍影相，行到去Charles bridge有啲街頭表演者向度表演，其中一個拉小提琴嘅人見到我哋經過就拉Wedding March，之後附近啲人又有拍手祝賀。
布拉格影相好靚，結婚場地都好靚，當地人好nice，酒店又抵住，我哋有講係黎結婚，酒店仲送左鮮花香檳，好正
覺得向外國結婚會體驗到好唔一樣嘅婚禮，真心推介比啲唔鍾意應酬擺酒嘅朋友。
自己一個人去白川鄉, 勁大雪. 一個人在大雪中等巴士返巿區. 好驚自己暈低埋在雪地死左冇人知. 結果順利等到巴士.
試個去日本旅行航空公司唔見咗我地個喼，入面有每日要食既藥，第二日即刻搵左間clinic睇醫生
去南極, 真係好難忘。
喺挪威架車落咗坑出唔返嚟，天寒地凍企喺路邊等拖車