上年812去完旅行返黎，接機大堂企滿人，爭D喊咗出黎
12個讚
試過有日落雨天，係巴黎同老公行緊去景點，有個東歐人叫停我地，話我哋跌咗隻金色介指，我哋無戴介指，咪話唔係我哋。
跟住佢仲糾纏，一路話係我哋跌，仲話佢幫我哋執返隻介指，應該要請食嘢飲嘢，最後我哋無理佢，繼續行，但佢一路跟住我哋尾，好驚佢。之後好彩分開左行，無再跟嚟。
嗰次第一次去歐洲旅行，完全未經歷過呢啲事
去台灣郊外，等一班唔知幾時嚟嘅巴士，有個台灣人開車經過，叫我哋搭順風車，我同老公又夠膽上車，一路上佢都勁nice 係咁介紹邊到牛肉麵好食，本來車到我哋去捷運放低我哋，後來直接車我哋去目的地。但返到香港俾奶奶鬧死
係土庫曼邊境，我同兩個朋友分別拎住BNO、特區、台灣護照，比認扣查問邊本係假護照
行行下收花/詩/靚仔搭訕
第一次同啲中東嬸嬸一齊做土耳其浴/按摩
去阿富汗邊境參觀，同行朋友游水過左境打卡再返黎
自己去左12日trekking，海拔0行到去4700登頂
飲新鮮駱駝奶
2個讚
一個人在法國，去到某景點有個男仔走黎搭訕，show 張機場職員證比我睇，然後好努力咁用有限英文加身體語言同我溝通，我get到佢係想帶我遊覽。我以為佢係想練下英文嗰類（佢又咁啱做機場）所以同佢一齊行。行行下佢想搭我膊頭，我拒絕左，然後佢開始話想去我酒店訓，又讚我靚，指手畫腳一輪我就明白了：佢想食免費餐 
我話唔行啦，佢仲扮晒嗲咁問我點解。我攞部相機出黎比佢睇bb啲相，話係我既仔女，跟住佢就拜拜我了。
同老公仲拍緊拖時去印度自由行，都有啲奇遇：
- 在亞格拉（泰姬堎所在地）住間酒店遇到電視台，比佢地捉住訪問左幾句。問左佢地幾時會播，我同老公真係在酒店房睇，不過結果係睇唔到
其實大家都有啲雞同鴨講，可能聽錯左時間 - 在新德理某景點，被印度人當成景點捉住打卡影相，可能佢地少見中國人
艷遇
你哋啲經歷好正，我完全無嘢比得上
你d經歷好正！
艷鬼艷馬咩，只係遇到賤男
我都有個類似經驗, 都係法國但係凡爾賽宮, 我一個人忽然有個男人搭訕, 咁我同佢一齊行咗一陣, 中間又同個小妹妹玩咗一陣, 跟住佢叫我跟佢番屋企, 我唔肯 (不過又上咗佢車去番出口…諗番起都大胆), 佢比咗個聯絡我, 仲咀咗我一啖(係咀呀 >.<)
你呢個都好啲呀，可能只係邀請你返去作客啫，同埋如果靚仔都算係艷遇
。我遇到嗰個直情話去「酒店訓覺」，開宗明義要上床。
有年生日一個人去日本
去左間我只要去東京基本上都會去既餃子店
嗰次去應該係第3次左右
老闆認得我, 仲同我傾計
然後傾傾下我話我係生日所以過黎玩
佢嗰餐無收我錢, 話係當送我既生日禮物 
食完仲親自送我出去坐巴士
真係好感動同感恩
4個讚
好多年前去土耳其，去到邊都比人問係咪日本人或者韓國人。因為呢D冇名牌賣既地方好少強國人。知道係香港人之後時不時會比人要求影相。
後生果時去荷蘭郊區睇城堡，咁岩係廿年最凍春天，我同果時仲係男友既老公企響巴士站等車，成個車站得我地兩個人，要等成半個鐘先開車，凍到變雪條。巴士司機見我地咁可憐就開著部巴士開住暖氣比我地上去。但因為要開住車門，都係唔夠暖。後尾有部警車經過，問我地做乜鬼咁凍響度等車，之後車我地過去城堡，真係超超暖心。個警察叔叔仲介紹我地去食野。
仲有一次響英國，書店老闆問我地係邊度人。我地話香港，佢問Hong Kong, China? 我同老公大聲話NO, Hong Kong is Hong Kong. 老闆大笑，話 Of course, Hong Kong is Hong Kong. 然後問左少少情況，話1997年佢都有睇新聞架，唔記得佢講邊份報紙用左中文寫Good bye Hong Kong之類。不過響佢地Local人眼中香港政權移交其實唔係乜嘢大事黎。果次好似係十年前左右。
2個讚
下次唔好，好危險
Chur…咪又同一目的
後尾諗起, 我同個小妹妹玩果陣, 覺的熱, 除咗件風褸, 入邊著者件緊身T, 果刻見到佢係對眼放光咁 (拿, 我唔係咩好身材人, 不過當年年紀小, 但都有啲曲線咁)
係…果時學生無諗咁多嘢
好多好多難忘嘢：
- 喺慕尼黑，買車票時，俾人一手搶着10馬克。
- 喺加德滿都踩單車，見一大群牛迎面而來，唔識避，扭軚，衝向停在路邊嘅貨車。司機睇住，先O嘴，再狂笑。
- 喺泰國，坐船去離島，潮退，船泊唔上沙灘，要喺海中落船，好驚，同船一鬼仔抱我上岸
1個讚
大阪站睇山陽新幹線EVA 特別車, 我沒有要搭車只係想去頭卡影相,
個喼放左係車外, 我入左車箱, 影影影, 突然駕車開出左, 原來我記錯左開車時間
最後搞到搭返回頭車, 個行李仲係度
好在下一站係新神戶, 唔係好遠, 如果唔係飛左去岡山就好笑
同老婆去熊本阿蘇火山，上山時預好時間搭到巴士，點知落山miss左尾班巴士，我地仲O哂咀心諗今次要行落山大鑊了（個天好似要落大雨咁）
之後真係行落山，行左好耐好耐，一路全條路無人無車，竟然又無落雨，影左D相好靚。真係幸運，係美好回憶～
1個讚